VELO_ve Music Fest вяртаецца: першая вечарынка — ужо 11 чэрвеня

Аматары забаў могуць уздыхнуць спакойна: ужо ў чацвер стартуе другая хваля вялікага музычнага анлайн-фестываля — VELO_ve Music Fest 2.0. Новы сезон модных імпрэзаў падорыць гледачам яшчэ больш эмоцый і ўражанняў.
Як заўсёды, трансляцыі VELO_ve Music Fest 2.0 будуць праходзіць у зусім нечаканых месцах Мінска і Беларусі, магчыма, арганізатары зазірнуць у госці і ў іншыя краіны. Музыка таксама будзе прадстаўлена на любы густ: ад хіп-хопа і драм-н-бэйс да панк-року і тэхнаблюзу.

Удзел у фестывалі ўжо пацвердзілі вядомыя і любімыя многімі музыкі: топавыя дыджэі з Ібіцы, адрыўныя панкі з Брэста "Дай Дарогу!" і беларусы Intelligency, якія ўзарвалі чарты са сваім хітом August і падпісалі кантракт з міжнародным лэйблам Warner Music.

Гледачы першага сезона VELO_ve Music Fest ужо паспелі пераканацца, што анлайн-трансляцыі ў рамках фестывалю заўсёды адрозніваюцца канцэптуальнасцю і крэатывам. Другая хваля вечарынак таксама падорыць аўдыторыі шмат неардынарных ідэй, прапаноўваючы гледачам не проста модны забаўляльны кантэнт і файных артыстаў, але і сэнсавую нагрузку.

Каб публіцы было зручней прымаць жывы ўдзел у музычных трансляцыях, мець зносіны з артыстамі і даваць зваротную сувязь, арганізатары запрасілі вядомага на ўвесь тусовачны Мінск вядучага - Андрэя Бонда. Ён працягне камунікаваць з аўдыторыяй падчас прамых эфіраў кожны чацвер, агучваючы цікавыя факты пра лакацыі, адказваючы на пытанні і праводзячы конкурсы.

Уважліва сачыце за эфірамі VELO_ve Music Fest 2.0 і навінамі ў сацыяльных сетках і медыя. Арганізатары абяцаюць некалькі цікавых акцый, у якіх можна будзе атрымаць вельмі прышпільныя і модныя прызы.
Такім чынам, вас чакае 8 інтэрактыўных трансляцый, якія будуць выходзіць кожны тыдзень увечары па чацвяргах. Але і гэта яшчэ не ўсё: праект жывы, і ён чакае сустрэчы са сваімі гледачамі асабіста. У будучыні арганізатары плануюць паступова выходзіць у оффлайн і запрашаць гледачоў на пляцоўкі трансляцый ў паўзакрытым фармаце.

Адкрывае музычны сезон онлайн-вечарына VELO_ve Eco на вельмі нестандартнай пляцоўцы ў Мінску - набярэжнай Свіслачы на тэрыторыі МЗОР. Тэматыка эфіру сур'ёзная і актуальная - сацыяльна-экалагічная праблема, якая закранае не толькі матэрыяльны, але і духоўны бок. Эксперыментальны фрык-тэатр T(e):Art пад хіп-хоп і драм-н-бэйс музыку ад Dirty Owl hybrid live, Odeb live, Awlnight live, Eng8 прадставіць перформанс Plastic Fantastic.

"Сваёй працай “Plastic Fantastic” мы выказалі ўсё тое, што мы адчуваем у высокатэхналагічны век: барацьбу з багаццем падробак і пластыка, барацьбу з аднаразовасцю, з падробкай якасці жыцця, з люстраным прадстаўленнем свайго "я", якое нам выдае экран праз аб'ектыў мабільнага тэлефона. Сваю залежнасць ад ацэнкі грамадскай думкі, якая жыве ў будках прыкладанняў сацыяльных сетак", - распавядае мастацкі кіраўнік тэатра Марына Раева.

Што: бясплатная трансляцыя VELO_ve Music 2.0 - ECO
Дзе: VELO_ve Music Fest 2.0
Калі: 11 чэрвеня
Час: 19.00-23.00
Узрост: 18+

Першая хваля яркіх онлайн-вечарынак VELO_ve Music Fest прайшла з 24 красавіка па 28 траўня цалкам бясплатна, па пятніцах і серадах у вячэрні час.

Усе трансляцыі фестываля застаюцца даступнымі для бясплатнага прагляду: джаз ад MIKHAIL PHILIPENYA QUARTET у DK Gallery, магічны канцэрт гурта Shumа сярод лесу і вады, постапакаліптычны перформанс фрык-тэатра T(Е)=ART “Робаты Тэсла” на закінутым заводзе, онлайн-стрым з панарамным аглядам на Санкт-Пецярбург каманды Goom Gum, казачнае Залюстроўе ад соўл-гурта Dee Tree ў прасторы Vondel Room, хіты рок-н-ролу пад рык матацыклаў у кастам-майстэрні, этна-хаус і шаманскі фолк-панк ў лесе, а таксама онлайн-канцэрт AKUTE.

Падрабязная інфармацыя пра трансрнсляцыі:


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: