Жадан, Арлоў, Морт прачытаюць вершы салідарнасці

Удзельнічаюць Уладзімер Арлоў, Анатоль Івашчанка, Сяргей Жадан, Марыя Мартысевіч, Вальжына Морт, Таццяна Нядбай, Сяргей Прылуцкі, Алена Сцепаненка. Мадэратар Андрэй Хадановіч.
Пакуль беларускія ўлады множаць хлусню, узмацняюць рэпрэсіі і палохаюць войскам сваіх суграмадзян, сотні тысяч беларусаў выходзяць на мітынгі пратэсту, не губляюць надзей дабіцца сумленных выбараў, вераць у магчымасць мірных зменаў у сваёй краіне. Паэты – таксама грамадзяне, іх абражае падман, гвалт і несправядлівасць, ім баліць усё тое, што не дае спакою мільёнам беларусаў. І яны шукаюць словы, спрабуючы выказаць свае трывогі і спадзяванні, любоў і салідарнасць.

Лёс нашых выбараў, нашых пратэстаў і самой нашай краіны хвалюе не толькі нас, але і вельмі многіх неабыякавых людзей ва ўсім свеце. Таму чытанні “Вершы салідарнасці” робяцца сапраўды міжнароднымі. Да паэтаў з Беларусі далучацца двое ўкраінскіх аўтараў, а таксама двое беларусаў, што жывуць і пішуць за мяжой. А вы зможаце не толькі паслухаць вершы і дыскусію, але і задаць яе ўдзельнікам свае пытанні.

Чытанні адбудуцца 5 жніўня (серада) а 19.00 у сацсетках і Youtube Беларускага ПЭН-цэнтра пры падтрымцы грамадскай кампаніі “Зробім лепш 2020”.
pen-centre.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: