“Вольнае паветра” — выдатны адпачынак у канцы лета

Фестываль “Вольнае паветра” 24 жніўня сабраў на хутары “Шаблі” беларускіх аматараў этнічнай музыкі. Адна з найбольш значных музычных падзей лета адбылася нягледзячы на тое, што ў ліпені хутар гарэў. Спраўдзіць, што чуваць у свеце этна, выбраліся і карэспандэнты “Твайго стылю”.



Цэлае поле аўтамабіляў бачнае адразу пасля павароту з вёскі ў бок хутара. Мы пад’ехалі, калі першы выступоўца — гурт Re1ikt — быў ужо ў палове свайго сэту. Па дарозе да сцэны мінаем традыцыйныя для Шаблей пляцоўкі ёгі і капаэйры, зазіраем у бар. Здаецца, і не гарэла нічога. Толькі адсутнасць дома, на месцы якога зараз новая будаўнічая пляцоўка, падказваюць, што здарэнне мела месца.

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Этна-накірунак фестывалю падаецца чымсьці даволі ўмоўным. Побач з больш аўтэнтычнымі бурацкім Namgar і курдыстанска-беларускім Масудам Талібані (на здымку наверсе), на дзвюх сцэнах “Вольнага паветра” выступілі, напрыклад, індзі-рокеры Akute з акустычнай праграмай (на здымку ніжэй) ці той самы металёвы Re1ikt.

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Адданы натоўп фанатаў сабралі пад сцэнай Лявон Вольскі і Павел Аракелян. Яны зайгралі караценькі сэт з песень “Народнага альбому”, “Я нарадзіўся тут” і N.R.M. ды настойліва запрашалі на канцэрт “Крамбамбулі” ў Дудутках.

Вольнае паветра 2013, Шаблі

Вольнае паветра 2013, Шаблі, Kriwi

Вольнае паветра 2013, Шаблі

Вольнае паветра 2013, Шаблі, Kriwi

Не пакінулі абыякавымі нячастыя зараз госці ў Беларусі — Kriwi (на здымку наверсе). Шкада, што з прычыны вельмі напружанага графіку выступаў яны не змаглі заспяваць усё тое, што хацелі пачуць слухачы. Графік, зрэшты, цалкам прадказальна “разваліўся”, і аператыўна пераключаць людзей з вялікай сцэны на малую не атрымалася. Паміж выступамі музыкаў утвараліся вялікія паўзы, якія некаторых нават злавалі.

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Недзе ў часе выступу Akute вядучы фэсту Ілля Маліноўскі правёў традыцыйны конкурс кідання кароўіх кізякоў. Гэтым разам удзел прыняў нават адзін з удзельнікаў гурта Litesound. А яшчэ адзін з удзельнікаў, каб кідануць кавалкам лайна падалей, уяўляў, што трымае ў руках дыск ненавіснага Стаса Міхайлава. Змагацца было за што — пераможцу чакала скрыня шампанскага.

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

З новых забаваў варта ўзгадаць катанні на тралеі — да гэтага атракцыёна вырасла буйная чарга.

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі

Вольнае паветра 2013, Шаблі, Theodor Bastard

Упэўнена адчувала сябе ў ролі аднаго з галоўных хэдлайнераў фэсту расейская група Theodor Bastard. Музыкі здолелі прыцягнуць пад сцэну ці не большасць наведнікаў. Арыгінальны, эклектычны стыль гурта, пабудаваны вакол шырока зразуметай world music, схіляўся то ў кірунку трып-хопу, то ў бок ледзь не progressive у стылі амерыканскіх Tool ці беластоцкіх Zero–85.

Хэдлайнер фэсту — нямецкі гурт Feindrehstar — апынуўся не такім драйвовым, як некаторыя чакалі, але, безумоўна, не расчараваў.

Вольнае паветра 2013, Шаблі

Фэст, як заўсёды, парадаваў лаяльным стаўленнем да дзяцей і хатніх жывёл. “Шаблі” пацвердзілі сваю рэпутацыю месца не толькі для аматараў добрай музыкі, але і проста для якаснага сямейнага адпачынку.

www.t-styl.info

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: