Вызначаныя фіналісты конкурсу «Заспявай 4x4»

Журы конкурсу маладых выканаўцаў назвала імёны тых, хто возьме ўдзел у адукацыйнай сэсіі, студыйным запісу і канцэртах ды пазмагаецца далей за галоўны прыз.

24 заявы было пададзена сёлета на конкурс «Заспявай 4x4», які ладзяць партал TuzinFM.by і фонд «Вяртанне» пры падтрымцы кампаніі «Будзьма беларусамі!». Мэта конкурсу — спалучыць беларускую сучасную паэзію з музыкаю. Яго ўдзельнікі стварылі песні на вершы Эдуарда Акуліна, Ніла Гілевіча, Віктара Жыбуля, Алеся Плоткі, Антона Рудака ды іншых паэтаў. Журы конкурсу вызначыла чатыры фіналісты, з якімі будзе далей весціся праца. Гэта дуэт Марыя Гаўрыленка і Аліна Казачэнка, гурт «Малала», K3tyvana і гурт «Тутэйшыя».

K3tyvana

Тутэйшыя

«Я вылучыў для сябе значную частку песень, якія былі пададзеныя на разгляд. Мяне парадавала рознастылёвасць выканаўцаў, але трохі засмуцілі адносна чаканыя і простыя гукавыя рашэнні. Але акурат над гэтым мы і будзем працаваць надалей з фіналістамі. А тых, хто не патрапіў у фінал, заклікаю не складаць рукі і працягваць працаваць далей», – зазначыў сябра журы і лідар гурта «Палац» Алег Хаменка.

Сёлета конкурс «Заспявай 4x4» праходзіць у новым фармаце — з адукацыйнай сесіяй, майстар-класамі, працай у студыі, справаздачнымі канцэртамі. Пераможцу чакае таксама грашовая ўзнагарода (сёлета яна складае 1000 беларускіх рублёў) і запіс відэакліпа. Сачыце за навінамі конкурсу праз суполкі ў Facebook і УКантакце.

«Малала»

Дуэт Марыя Гаўрыленка і Аліна Казачэнка

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: