Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Забароненая «Кароткая гісторыя Беларусі» прагучала ў Мінску (фота)

У мінскім клубе "Ілі" Алесь Дзянісаў і гітарыст гурту «Dzieciuki» Андрэй Пудзін 19 кастрычніка прэзентавалі альбом "Кароткая гісторыя Беларусі", створаны на вершы сляпога паэта са Скідзелю Алеся Чобата.


Наведвальнікаў клуба сустракала афіша з іранічным папярэджаннем: "Увага! Нізкі мастацкі ўзровень". Менавіта з такой фармулёўкай мінскія ідэолагі забаранілі прэзентацыю альбома.


Але паколькі ўваход на мерапрыемства быў вольны, згоды ідэолагаў на ягоную арганізацыю не патрабавалася. І дзякуй арганізатарам за тое, што яны знайшлі выйсце з гэтай сітуацыі.


Нягледзячы на сціплы фармат канцэрта, усё прайшло вельмі душэўна. Прыйшлі сябры і добрыя знаёмыя музыкаў. Людзі, якія раней не чулі гэты альбом, прызнаваліся, што былі вельмі ўражаны: песні краналі, месцамі да слёз.


Наступным горадам, дзе будзе прэзентавана "Гісторыя...", будзе Варшава ў лістападзе і некалькі беларускіх гарадоў у снежні. 


Спампаваць альбом "Кароткая гісторыя Беларусі" можна тут.


Абмеркаванне:

  • ВР
  • 2017-10-20 00:55:00
Зарабляць музыкам не даюць, а граць і слухаць іх дазваляюць - дзякуй у капялюш. Некалькі слоў пра "Кароткую гісторыю..." тут: http://belisrael.info/?p=12428

Каментаваць