13 цікавых персон, якія вылучаюцца ў дэпутаты беларускага парламента

«Міс Беларусь», апазіцыйныя актывісты, чыноўнікі...

Марыя Васілевіч

Пакуль на статус самага дзіўнага вылучэння прэтэндуе «Міс Беларусь 2018» Марыя Васілевіч, якая зарэгістравала ініцыятыўную групу ў Кальварыйскіх выбарчай акрузе № 104. Дзяўчына толькі ў мінулым годзе скончыла універсітэт, ніякага кіраўніцкага або палітычнага досведу ў яе няма.

Генадзь Давыдзька


Пасля таго, як акцёр абвясціў «Белую Русь», пра яго сталі забываць. Але Давыдзька вырашыў страсянуць даўніной — у сярэдзіне 2000-х ён запальваў у Палаце прадстаўнікоў — да прыкладу, заклікаў легалізаваць прастытуцыю.

Давыдзька высунуўся па Усходняй выбарчай акрузе № 107, дзе яму будзе супрацьстаяць лідэр руху «За Свабоду» Юрась Губарэвіч.

Аляксандр Кабанаў


Брэсцкага актывіста вылучылі праціўнікі будаўніцтва акумулятарнага завода падчас чарговага сходу на гарадской плошчы. Балатавацца ён мае намер у выбарчай акрузе № 1 Брэста.

Алена Анісім і Ганна Канапацкая


Ганна Канопацкая вылучаецца па Кастрычніцкай акрузе № 97 Мінска. Алена Анісім заяўляла аб жаданні быць зноў абранай ад Стаўбцоўскай акругі № 70. Падчас мінулых выбараў іх абранне стала сенсацыяй. Інтрыга ў тым, ці вырашаць улады прапусціць Канапацкую і Анісім ў парламент яшчэ раз.

Алег Белаконеў


Першы намеснік міністра абароны і начальнік Генштаба ідзе па Пухавіцкай выбарчай акрузе № 65. Раней хадзілі чуткі, што Белаконеў можа ўзначаліць Савет бяспекі Беларусі.

Лілія Ананіч


Былы міністр інфармацыі, а цяпер намеснік старшыні «Беларускага саюза жанчын» хоча быць выбраным ад Барысаўскай сельскай акругі № 63. Лілія Ананіч з’яўляецца нараджэнкай гэта рэгіёну, а дакладней — вёскі Лявонава.

Алег Гайдукевіч


Першы намеснік старшыні Ліберальна-дэмакратычнай партыі на мінулых выбарах пацярпеў крыўднае паражэнне: пры ўсіх яго праўладных заявах і ўпэўненасці ў перамозе ў парламент прайшоў малавядомы на той момант пасол Валеры Варанецкі. Як будзе на гэты раз?

Андрэй Дзмітрыеў


Лідэр кампаніі «Гавары праўду» балатуецца там жа, дзе і ў мінулы раз — у Дзяржынскім выбарчай акрузе № 71. Дзмітрыеў лічыць. Што парламент не павінен быць «кружком мілых людзей».

Павел Юхневіч


Былы актывіст «Зубра» прыняў нечаканае рашэнне вярнуцца ў палітыку, улічваючы размовы аб магчымасці страты Беларуссю незалежнасці.

Рыгор Кастусёў


Кіраўнік Партыі БНФ заявіў пра жаданне балатавацца, хоць і лічыць, што «выбараў у Беларусі няма». На яго думку, трэба выкарыстоўваць любую легальную магчымасць для зносін з выбарнікамі.

Мікалай Казлоў


Кіраўнік АГП ідзе на выбары па тых жа прычынах. «Мы будзем выкарыстоўваць усе магчымасці, каб змяніць сітуацыю: казаць пра фальсіфікацыі, выкрываць іх. Плюс кампанія — гэта дадатковая магчымасць паразмаўляць з людзьмі», - сказаў Казлоў у каментары TUT.BY.

Юрась Губарэвіч


Па Усходняй выбарчай акрузе № 107 лідэра руху «За Свабоду» Юрася Губарэвіча чакае цікавае спаборніцтва з Генадзем Давыдзькам.

Паводле Салідарнасці

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!