Амбасадары ЕС: мы будзем насіць спісы палітвязняў на сустрэчы з чыноўнікамі

Амбасадары краін Еўрасаюза выказалі салідарнасць з беларускім палітвязнямі. Пра гэта Прадстаўніцтва ЕС у Беларусі паведаміла на сваёй старонцы ў Фэйсбуку, паведамляе «Еўрарадыё».

Дыпламаты краін ЕС заявілі, што будуць насіць з сабой спісы беларускіх палітвязняў на ўсе сустрэчы з беларускімі чыноўнікамі.

"Мы зноў падкрэсліваем, што мірнае і ўстойлівае ўрэгуляванне бягучага крызісу можа быць вынікам толькі ўсеабдымнага нацыянальнага дыялогу пры поўным захаванні асноўных правоў і свабод народа Беларусі і поўным забеспячэнні запатрабаваных народам Беларусі дэмакратычных працэдур", — гаворыцца ў звароце амбасадараў.

На сёння ў спісе беларускіх палітвязняў сем дзясяткаў чалавек. Пабачыць спіс можна па гэтай спасылцы.

euroradio.pl

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: