Беларусь вядзе перамовы аб спрашчэнні візавага рэжыму з ЕС

Таксама МЗС абмяркоўвае пытанне вяртання паслоў Беларусі і ЗША ў Вашынгтон і Мінск.
Пра гэта паведамляе ТАСС са спасылкай на словы намесніка міністра замежных спраў Беларусі Алега Краўчанкі.

— Перамовы ідуць (аб спрашчэнні візавага рэжыму — заўв.). Нядаўна ў Брусэлі адбыліся кансультацыі на ўзроўні начальніка Галоўнага консульскага ўпраўлення нашага Міністэрства замежных спраў і адпаведных спецыялістаў Еўрапейскай камісіі. Пакуль казаць пра нейкія дамоўленасці рана. Але працэс ідзе да гэтых дамоўленасцяў у будучыні, — цытуе чыноўніка расійскае агенцтва.

Акрамя таго, намеснік міністра не выключае вяртання амерыканскага амбасадара ў Менск, а таксама беларускага прадстаўніка — у Вашынгтон.

Нагадаем, што яшчэ ў 2008 годзе Беларусь адклікала свайго прадстаўніка ў ЗША і парэкамендавала амерыканскаму амбасадару зрабіць тое ж самае. Дэмарш быў звязаны з увядзеннем дадатковых эканамічных санкцый у дачыненні да канцэрна «Белнафтахім».


Паводле gazetaby.com

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: