Берлін імкнецца хутчэй прыняць санкцыі ў дачыненні да ўладаў Беларусі

Берлін шкадуе, што санкцыі ў дачыненні да Беларусі яшчэ не прынятыя, але будзе імкнуцца да гэтага, заявіў афіцыйны прадстаўнік урада ФРГ Штэфен Зайберт.
"Мы шкадуем, што да гэтага часу гэта не адбылося", — сказаў ён журналістам у Берліне ў сераду.

Паводле яго слоў, Берлін актыўна абмяркоўвае гэтае пытанне з партнёрамі ў ЕС і працягне абмеркаванне да канчатковага вырашэння ўнутры Еўрасаюза.

Напярэдадні Вялікабрытанія і Канада ўвялі санкцыі супраць Аляксандра Лукашэнкі і яго сына Віктара за парушэнне правоў чалавека ў гэтай краіне. Таксама ў "чорны спіс" трапілі яшчэ шэсць высокапастаўленых прадстаўнікоў уладаў Беларусі.

У канцы жніўня Латвія, Літва і Эстонія апублікавалі санкцыйных спіс, а на мінулым тыдні краіны Балтыі пашырылі яго.

Еўрасаюз таксама разглядае ўвядзенне сумесных санкцый, аднак рашэнне пакуль не прынята па прычыне дыпламатычных спрэчак.

У Беларусі ўжо паўтара месяца працягваюцца акцыі пратэсту супраць вынікаў выбараў прэзідэнта, якія прайшлі 9 жніўня. Пераможцам абвешчаны дзеючы кіраўнік дзяржавы Лукашэнка, які займае гэтую пасаду з 1994 года. Апазіцыя не прызнала абвешчаныя ўладамі вынікі выбараў, лічыць іх сфальсіфікаванымі.

23 верасня ў Мінску адбылася інаўгурацыя Лукашэнкі. Яна загадзя ня анансавалася і стала нечаканасцю для беларускіх журналістаў і назіральнікаў.

Неўзабаве пасля гэтай цырымоніі шэраг краін, у тым ліку Германія, заявілі аб непрызнанні Лукашэнка законным прэзідэнтам Беларусі.

interfax.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: