Былы кіраўнік НАТО: «Беларусь чакае вайна і анэксія»

Беларусь чакае ўкраінскі сцэнар. Пра гэта ў інтэрв'ю LIGA.net распавёў кіраўнік паўночнаатлантычнага альянсу (НАТО) у 2009-2014 гг. Андэрс Фог Расмусэн і пазаштатны дарадца прэзідэнта Украіны.
Адказваючы на пытанні журналіста аб вайне ва Украіне, экс-кіраўнік НАТО выказаўся і пра перспектывы для Беларусі.

— Вы бачыце, што Расія працягвае агрэсіўную палітыку ў адносінах да суседзяў. Цяпер чарга Беларусі. Падобна на тое, што Расія ўшчыльную набліжаецца да заходніх межаў.

— Так, я ў гэтым упэўнены. Ключавой рызыка — гэта паўтор у Беларусі ўкраінскага сцэнара з вайной і анэксіяй. Гэтую краіну чакае такі сцэнар, калі яна не пачне рэфармавацца. Мая парада беларускаму народу і кіраўніцтву краіны ў тым, каб засцерагчыся ад агрэсіі расіян — трэба пачаць рэформы, вядучыя да дэмакратыі і свабоды. Толькі гэтыя рэчы створаць абарону ад расійскай агрэсіі.

Мы чулі заявы Уладзіміра Пуціна, дзе ён сказаў, што Беларусь павінна быць уключана ў вялікую рускую дзяржаву, як Крымскі паўвостраў. І я б хацеў, каб Беларусь атрымлівала больш дапамогі ад Захаду. Але нам трэба бачыць пераарыентацыю Беларусі да свабоды і дэмакратыі.

— Наўрад ці Аляксандр Лукашэнка збіраецца рэфармаваць краіну і рухацца на Захад.

— Так, ён не хоча. Але таксама Лукашэнка не жадае жыць пад прыгнётам Пуціна. Яму трэба выбраць: або рэформы, або сталы гнёт расіян.




Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: