Давераная асоба Ціханоўскай: Любыя спробы Расіі падтрымаць Лукашэнку будуць разглядацца як пагроза для суверэнітэту

З такой заявай выступіў Мікалай Казлоў, лідар Аб'яднанай грамадзянскай партыі і давераная асоба Святланы Ціханоўскай. Прыводзім тэкст і відэа паведамлення.
Сітуацыя ў Беларусі развіваецца імкліва.

9 жніўня народ Беларусі абраў новага прэзідэнта краіны. Гэта яго выбар. Выбар, які павінны паважаць усе грамадзяне Беларусі і ўся міжнародная супольнасць.

Сёння мільёны людзей выйшлі на вуліцу, каб абараніць свой выбар, свой голас. Спынілі працу ўсе галоўныя прадпрыемствы краіны. Беларусь ужо не будзе ранейшай.

Сфарміравана палітычная павестка Беларусі:

Першае — Лукашэнка павінен сысці.

Другое — вызваленне ўсіх затрыманых і палітвязняў.

Трэцяе — Святлана Ціханоўская павінна ўступіць на пасаду прэзідэнта і забяспечыць правядзенне сумленных свабодных парламенцкіх і прэзідэнцкіх выбараў.

Разам з тым застаюцца рызыкі і пагрозы. Былы прэзідэнт просіць Маскву аказаць палітычную і ваенную падтрымку. У сувязі з гэтым я маю паўнамоцтвы заявіць наступнае:

Па-першае, Святлана Ціханоўская і яе прыхільнікі дзякуюць ўсім расіянам, якія падтрымалі выбар народа Беларусі.

Па-другое, мы заяўляем, што любыя спробы кіраўніцтва Расіі падтрымаць Лукашэнку будуць разглядацца як дзеянні, накіраваныя супраць народа Беларусі і як пагроза для суверэнітэту і незалежнасці краіны.

Павага і прызнанне выбару беларускага народа — гэта залог паспяховага развіцця добрасуседскіх адносін паміж Беларуссю і РФ.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: