Еўрапарламент асуджае дзеянні Крамля па падтрымцы рэпрэсіўнага рэжыму ў Беларусі

Еўрапарламент асуджае дзеянні Крамля па падтрымцы рэпрэсіўнага рэжыму ў Беларусі і падтрымку Расіяй пераследу нацыянальных меншасцей у Беларусі. Вялікабрытанія будзе каардынаваць дзеянні па санкцыях з ЗША, паведамляе тэлеграм-канал Паўла Латушкі.
РІА «Навіны»

РІА «Навіны»


Павел Латушка правёў анлайн-сустрэчу з дэпутатам Еўрапарламента і былым міністрам замежных спраў Польшчы Ганнай Фатыга.

Еўрадэпутатка Ганна Фатыга падчас чарговай сустрэчы з кіраўніком НАУ адзначыла, што выступае за канкрэтныя дзеянні з боку ЕС з мэтай дамагчыся вызвалення ўсіх палітычных вязняў і спынення рэпрэсій у Беларусі.

Ганна Фатыга праінфармавала, што еўрапейскі парламент у рэзалюцыі ад 29 красавіка 2021 года асудзіў дзеянні Крамля па падтрымцы рэпрэсіўнага рэжыму ў Беларусі і падтрымку Расіяй пераследу нацыянальных меншасцей у Беларусі. 

У адказ на ініцыятыву Паўла Латушкі Ганна Фатыга выказала падтрымку правядзенню Міжнароднай палітычнай канферэнцыі высокага ўзроўню па Беларусі.

Павел Латушка таксама звярнуўся да Ганны Фатыга з просьбай узяць патранат над лёсам палітвязня і маці пяцярых дзяцей Вольгі Залатар.

У ходзе сустрэчы з Паўлам Латушкам намеснік пасла Вялікабрытаніі Джэйсан Рэйнберг запэўніў, што Лондан будзе і надалей падтрымліваць грамадзянскую супольнасць Беларусі, а ў санкцыйных пытаннях будзе каардынаваць сваю пазіцыю з ЗША.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: