Грамадскі актывіст Максім Вінярскі сустрэне Новы год за кратамі

Затрыманы ўчора актывіст Максім Вінярскі атрымаў на судзе 15 сутак і выйдзе на волю толькі 2 студзеня наступнага года. Аб гэтым паведаміў Павел Севярынец у сваім фэйсбуку.
Фота Арцёма Лявы

Фота Арцёма Лявы

Сваякі паспелі перадаць Максіму Вінярскаму перадачу. Паведамляецца і аб тым, што актывіст Яўген Афнагель таксама атрымаў 15 сутак.

Нагадаем, Севярынец таксама быў затрыманы ўчора каля дому АМАПам, асуджаны на 15 сутак арышту і вызвалены на невядомы тэрмін.

 «Гэта супярэчлівы сігналі, які характарызуе позняга Лукашэнку. Ён імкнецца адным махам даць адразу некалькі сігналаў — еўрапейцам, расейцам, беларусам. Расейцам сігнал — што мы трымаем сваю кіпцюрастую лапу на нацыяналістах. Сігнал Еўропе — палітыка затрымалі, папярэдзілі, суткі ёсць, але ён на свабодзе. А беларусам сігнал — 20-га прыходзьце на Плошчу», — пракаментаваў сітуацыю Севярынец.

Чытайце таксама:

ГУУС збіраецца «прыняць меры для забеспячэння бяспекі грамадзян» 20 снежня

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: