КХП-БНФ абскарджвае прысуды па «Дзядах» і мітынгах у абарону незалежнасці

Пра гэта паведамляе інфармацыйная камісія Кансерватыўна-Хрысціянскай Партыі – БНФ

racyja.com

Адбыўся суд у справе «Дзядоў-2019»


21 лютага адбылося пасяджэнне Гарадзкога суда Мінска па касацыйнай скарзе Кансерватыўна-Хрысціянскай Партыі на ранейшы прысуд раённага суду ў справе правядзення мемарыяльных мерапрыемстваў у Курапатах на Дзяды ў 2019 годзе. КХП-БНФ абскарджвае патрабаванне ўладаў аб аплаце «паслуг міліцыі па ахове грамадзкага парадку» падчас некамерцыйнага мемарыяльнага мерапрыемства.

Пасяджэнне працягвалася недоўга. Суддзя заслухаў прадстаўніка КХП-БНФ Юрася Беленькага, які зачытаў тлумачэнні аб незаконнасці патрабаванняў аплаты і прысуду. Потым выйшаў на 15 хвілін. А, вярнуўшыся, зачытаў пастанову: пакінуць у сіле прысуд раённага суду. Прысутныя ў залі патрыёты гукалі суддзі «Ганьба!»

Суд над Юрыем Беленькім у справе патрыятычных мітынгаў у снежні 2019 года


25 лютага а 16.00 адбудзецца пасяджэнне Гарадзкога суда Мінска па касацыйнай скарзе выканаўцы абавязкаў у Беларусі старшыні КХП-БНФ Юрася Беленькага на ранейшы прысуд раённага суду за ягоны ўдзел у патрыятычных мітынгах ў снежні 2019 года. Беленькі абскарджвае прысуд: штраф у 50 базавых адзінак.

Партыя КХП-БНФ заклікае падтрымаць патрыёта. Адрас суда: Мінск, вул. Дуніна-Марцінкевіча, 1.

Паводле прэс-рэліза

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: