Лукашэнка адправіў урад у адстаўку

Аляксандр Лукашэнка прыняў рашэнне аб адстаўцы дзеючага складу ўрада. Пра гэта паведамілі 3 чэрвеня ў выпуску навін на тэлеканале "Беларусь 1".



Кіраўнік дзяржавы падпісаў адпаведны ўказ, паведамілі ў сюжэце.

Паводле інфармацыі TUT.BY, да прызначэння новага складу ўрада дзеючыя міністры будуць выконваць абавязкі.

Днём 3 чэрвеня Лукашэнка правёў нараду, каб абмеркаваць прапановы па новым складзе ўрада. У мерапрыемстве прынялі ўдзел Старшыня Савета Рэспублікі Наталля Качанава, Старшыня Палаты прадстаўнікоў Уладзімір Андрэйчанка, кіраўнік Адміністрацыі прэзідэнта Ігар Сяргеенка і Дзяржаўны сакратар Савета бяспекі Андрэй Раўкоў.

Лукашэнка заявіў, што з-за крызісу, выкліканага пандэміяй, замена ўсіх членаў урада была б няправільным крокам.

Пра намер да выбараў сфармаваць новы склад урада Лукашэнка заявіў 25 траўня. 29 траўня ён паабяцаў "у бліжэйшы час" прызначыць выконваючага абавязкі прэм'ер-міністра, а»пасля выбараў, калі ён будзе добра працаваць, то зацвердзіць на пасадзе".

Паводле  tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: