Лукашэнка прапанаваў Асаду дапамогу ў аднаўленні Сірыі

У віншавальнай тэлеграме Башару Асаду ў сувязі з 25-годдзем устанаўлення дыпламатычных адносін паміж дзвюма краінамі Аляксандр Лукашэнка заявіў пра гатоўнасць аказаць усебаковую дапамогу ў аднаўленні Сірыі.
Тэкст тэлеграмы апублікаваны на афіцыйным сайце кіраўніка дзяржавы.

«Мінск і Дамаск падзяляюць погляд на неабходнасць пабудовы шматпалярнага свету», — адзначыў беларускі лідар.

«Асаблівым чынам беларуска-сірыйскія адносіны былі выпрабаваныя падчас вайны з тэрарызмам у Сірыі. У гады ліхалецця Беларусь заўсёды была побач, імкнулася падтрымаць вашыя імкненні ў барацьбе з гэтым глабальным злом. Як з задавальненнем сёння можна назіраць, вайна заканчваецца перамогай Сірыйскай арабскай арміі, а грамадства, аб’яднанае пад вашым лідарствам, вяртаецца да звычайнага жыцця», — напісаў Лукашэнка.

«Мы гатовыя аказваць усебаковую дапамогу Сірыі ў справе мірнага будаўніцтва і аднаўлення краіны», — запэўніў кіраўнік Беларусі.

Раней, 20 жніўня, міністр замежных спраў Расіі Сяргей Лаўроў заявіў, што палітычны дэпартамент сакратарыята ААН выдаў «сакрэтную дырэктыву», якая забараняе ўсім структурам арганізацыі ўдзельнічаць у аднаўленні эканомікі Сірыі. «Толькі гуманітарная дапамога, больш нічога», — дадаў міністр. Ён назваў гэта спробай групы краін «у карыслівых геапалітычных інтарэсах» маніпуляваць сакратарыятам ААН.

Афіцыйны прадстаўнік генеральнага сакратара ААН Стэфан Дзюжарык, заявіў у адказ, што ў ААН вывучаюць пытанне існавання «сакрэтнай дырэктывы», пра якую распавёў Лаўроў. «Мы вывучаем гэтае пытанне. Дадатковыя тлумачэнні могуць з’явіцца крыху пазней», — адзначыў ён тады.

У ліпені Асад у інтэрв’ю журналістам расійскіх СМІ заявіў, што ваенная прысутнасць Расіі ў Сірыі з’яўляецца доўгатэрміновай і трэба не толькі для таго, каб весці барацьбу з тэрарыстамі. Па яго словах, Масква і Дамаск заключылі дагавор аб статусе базы ў Хмейміме, які будзе дзейнічаць «яшчэ больш за 40 гадоў».

«Калі б пытанне стаяла так: ці прыйшло сюды расійскае войска толькі для таго, каб змагацца з тэрарызмам? — то тады навошта заключаць дагавор больш чым на 40 гадоў? Можна было б абмежавацца некалькімі гадамі, а потым увесь час яго падаўжаць», — сказаў ён. Пры гэтым сірыйскі лідар назваў Расію вялікай краінай, у якой ёсць абавязацельствы перад усім светам.

Паводле РБК

Хочаце ведаць больш? Сачыце за нашымі публікацыямі ў Telegram і Facebook!