Міколу Дзядка будуць судзіць за чатыры літары

Супрацьзаконную абрэвіятуру на старонцы Міколы Дзядка ў сацыяльнай сетцы Укантакце знайшлі афіцэры ГУБАЗіК.

"У панядзелак, у 9.30 у судзе Фрунзенскага раёну мяне будуць ізноў судзіць (ужо ў трэці раз за паўгады) за экстрэмізм", — паведаміў Мікола на сваёй старонцы ў Фэйсбуку.

Відавочна, у гэты раз гаворка ідзе аб абрэвіятуры на ангельскай мове, якую можна перавесці як "Усе менты — вылюдкі", і якая была прызнаная экстрэмісцкай судом Аршанскага раёну ў 2018 годзе. Менавіта яе знайшлі супрацоўнікі ГУБАЗіК.

Суд адбудзецца 4 сакавіка. Суддзя — Бушэва А.В.


  • 12 ліпеня 2018 Мікола Дзядок быў затрыманы ля дома АМАПам і дастаўлены ў Фрунзенскі РУУС, а пасля ў суд Фрунзенскага раёну, дзе яму прысудзілі 20 базавых велічынь за "Дэманстрацыю нацысцкай сімволікі" (калажы і скрыншоты, у якіх высмейваецца нацызм).

  • 27 снежня 2018 Міколу Дзядка судзілі па тым жа артыкуле — за фота людзей са сцягам арганізацыі "Misantropic divizion", які ўнесены ў Рэспубліканскі спіс экстрэмісцкіх матэрыялаў. Фота было прымацаванае да паста ў Фэйсбуку, дзе Мікалай крытыкуе людзей, якія дазваляюць сабе фота з сімпатызантамі неанацызму. Штраф — 40 базавых велічынь.

  • 17 студзеня 2019 позна ўвечары памежнікі знялі Міколу Дзядка з аўтобусу Вільня-Мінск, калі ён вяртаўся з вучобы, пасля чаго ўчынілі асабісты дагляд. Прычына праверкі не была ўдакладненая, але сам Дзядок звязвае гэта з унясеннем яго ў спісы "экстрэмістаў".

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: