МУС Беларусі: у нядзелю на акцыях пратэсту былі затрыманыя 713 чалавек

А ўсяго па краіне мітінгавалі нібыта толькі 11 тысяч беларусаў.


Прэс-служба Міністэрства ўнутраных спраў у сваім афіцыйным тэлеграм-канале ацаніла колькасць удзельнікаў нядзельных акцый пратэсту і агучыла выніковыя лічбы затрыманых.

Як адзначаецца, «на несанкцыянаваныя акцыі ў абласных цэнтрах збіраліся ад 30 да 150 чалавек. Усяго па краіне агульная колькасць пратэстуючых склала каля 11 тысяч чалавек. За парушэнне заканадаўства аб масавых мерапрыемствах затрыманыя 713 грамадзян. Да разгляду ў судзе спраў па адміністрацыйных правапарушэннях ў месцы ўтрымання затрыманых змешчаныя 570 чалавек».

Тым часам, па ацэнках незалежных медыя, агульная колькасць удзельнікаў толькі мінскага Марша Годнасці склала каля 100 тысяч чалавек. 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: