МЗС Беларусі ўводзіць санкцыі ў адказ у дачыненні да краінаў Балтыі

У МЗС Беларусі пракаментавалі сустрэчу прэзідэнта Францыі Эмануэля Макрона і Святланы Ціханоўскай у Літве, а таксама распавялі пра ўвод у адказ санкцый у дачыненні да краін Балтыі.
«У прынцыпе, ствараецца ўстойлівае адчуванне, што ў Літве з'явілася новая славутасць, якую ўсім абавязкова навязваюць для наведвання. З прафесійнага пункту гледжання скажу, што не трэба цешыць сябе ілюзіямі. Нейкія паспешныя кантакты з дзіўнымі суб'ектамі не маюць і не будуць мець ніякага практычнага сэнсу», — заявіў афіцыйны прадстаўнік МЗС Беларусі Антоль Глаз.

Ён адзначыў, што ў дыпламатыі дастаткова ўсімі прызнаваных цывілізаваных інструментаў, з дапамогай якіх можна весці дыялог і адстойваць інтарэсы.

«На гэтым фоне нам, напрыклад, складана каментаваць алагічныя эмацыйныя рухі цела, якія часам мяжуюць з істэрыкай, нашых балтыйскіх суседзяў. Пашырылі санкцыйныя спісы... Што ж, з сённяшняга дня, як і абяцалі, мы таксама ўводзім у дзеянне ў адказ сіметрычныя абмежавальныя меры па кожнай з гэтых краін», — дадаў Анатоль Глаз.

Ён падкрэсліў, што Беларусь будзе і далей адказваць, але ніколі не будзе ініцыяваць падобныя крокі.

«І хто ад гэтага выйграе? Можа быць, асабіста Лінас Лінкявічус, якому трэба зрабіць усё, каб яго заўважылі перад надыходзячымі выбарамі. На яго зарплату гэта дакладна не паўплывае, у адрозненне ад даходаў літоўскіх бізнесменаў і падаткаплацельшчыкаў, якія звязаны сумеснымі праектамі, здзелкамі і інвестыцыямі з суседняй краінай», — дадаў прадстаўнік МЗС.

Хто менавіта будзе ўключаны ў санкцыйных спіс Беларусі, у МЗС не ўдакладнілі.

31 жніўня знешнепалітычныя ведамствы Латвіі і Эстоніі, а таксама МУС Літвы заявілі, што Аляксандру Лукашэнку і яшчэ 29 беларускім афіцыйным асобам забаронены ўезд у краіны Балтыі. 25 верасня ў спіс дадалі парадку яшчэ 100 чалавек. Краіны ЕС раней прынцыпова дамовіліся аб неабходнасці ўвесці санкцыі супраць шэрагу беларускіх чыноўнікаў, аднак пра склад спісу паўсталі рознагалоссі. У прыватнасці, не ўсе дзяржавы пагадзіліся з уключэннем у спіс Лукашэнкі. Такі падыход расчараваў прадстаўнікоў краін Балтыі, якія выступаюць за больш жорсткія меры. Яны вырашылі ўвесці санкцыі самастойна.

delfi.lt


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: