МЗС Беларусі выказала занепакоенасць сітуацыяй у Сірыі

У МЗС заклікалі вярнуцца да дыялогу і палітычнага, а не ваеннага ўрэгулявання крызісу на паўночным усходзе Сірыі, дзе Турцыя пачала наземную аперацыю. Пра гэта паведамляе прэс-служба дыпламатычнага ведамства.
«У Беларусі з глыбокай заклапочанасцю сочаць за ростам напружанасці на паўночным усходзе Сірыі», – заявілі ў МЗС і адзначылі важнасць таго, каб усе бакі «дзейнічалі ў рэчышчы сумесных дамоўленасцяў, дасягнутых у рамках астанінскага працэсу і пазбягалі дзеянняў, якія могуць прывесці да эскалацыі сітуацыі».

«Заклікаем у экстраным парадку вярнуцца да дыялогу ў мэтах пошуку палітычных спосабаў урэгулявання крызісу пры павазе тэрытарыяльнай цэласнасці Сірыі, якая з’яўляецца неадʼемным фактарам для паступальнага аднаўлення і развіцця краіны», – гаворыцца ў заяве.

Напярэдадні Турцыя пачала вайсковую аперацыю «Крыніца свету» на ўсходзе ракі Яўфрат на паўночным усходзе Сірыі. У Анкары заявілі, што аперацыя скіравана супраць арганізацыяў, якія там лічацца тэрарыстычнымі – РПК (Працоўная партыя Курдыстана) і СНС ( «Сілы народнай самаабароны»). Таксама Эрдаган мае намер змагацца з «Ісламскім дзяржавай». Пасля паветраных удараў распачалася наземная аперацыя, у ходзе якой, паводле звестак СМІ, ужо загінулі 15 асобаў.

Паводле belsat.eu

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: