МЗС Расіі: пратэстамі ў Беларусі кіравалі з Украіны

МЗС РФ адзначае радыкалізацыю пратэсных акцый у Беларусі і заяўляе, што мае інфармацыю пра тое, што дэстабілізацыяй сітуацыі ў краіне кіравалі, у тым ліку з тэрыторыі Украіны.
Фота Дзмітрыя Дзмітрыева

Фота Дзмітрыя Дзмітрыева

"Сапраўды, маем інфармацыю аб тым, што дэстабілізацыяй сітуацыі ў Беларусі кіравалі, у тым ліку з тэрыторыі Украіны", — заявіў у інтэрв'ю РІА Навіны намеснік кіраўніка МЗС РФ Алег Сырамалотаў.

Паводле яго слоў, "цяпер маштабы пратэсных акцый у рэспубліцы, нягледзячы на ​​падтрымку звонку, паступова скарачаюцца". "Аднак адзначаем іх усё большую радыкалізацыю: людзей на вуліцы выходзіць менш, але сярод іх становіцца больш ваяўнічых малойчыкаў з арматурай і камянямі, настроеных на агрэсіўныя дзеянні супраць праваахоўнікаў", — дадаў ён.

Па словах намесніка кіраўніка МЗС РФ, "нашы беларускія суседзі рэальна ацэньваюць усе пагрозы, якія зыходзяць ад знешніх сіл".

"Падтрымліваецца цеснае ўзаемадзеянне кампетэнтных органаў Расіі і Беларусі па праблематыцы забеспячэння бяспекі", — дадаў ён.

Па словах Сырамолатава, "ключавым для двухбаковага супрацоўніцтва дакументам — Прыярытэтнымі напрамкамі і першачарговымі задачамі далейшага развіцця Саюзнай дзяржавы на 2018-2022 гады — прадугледжваецца рэалізацыя штогадовых планаў сумесных мерапрыемстваў па супрацьдзеянні тэрарызму на тэрыторыі Саюзнай дзяржавы".

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: