Непразрыстая ўлада і праблемы з правасуддзем. Беларусь панізілася ў рэйтынгу вяршэнства права

За апошнія два гады Беларусь апусцілася адразу на восем радкоў у сусветным індэксе вяршэнства права і заняла 65 месца ў рэйтынгу, які штогод складае міжнародная няўрадавая арганізацыя World Justice Project.
Паводле экспертаў WJP, законы ў Беларусі працуюць лепш, чым у Расеі ці Украіне, але горш, чым ва Уругваі, Казахстане і Індыі.

Пазіцыя ў рэйтынгу залежыць ад наступных базавых прынцыпаў вяршэнства закона: узроўню карупцыі, незалежнасці судоў, паўнамоцтваў чыноўнікаў, наяўнасці ў краіне адміністрацыйнага рэсурсу, захавання правоў чалавека і ўзроўню палітычных свабодаў.

На думку экспертаў WJP, за апошнія два гады ў Беларусі значна пагоршылася сітуацыя з празрыстасцю дзеянняў інстытутаў улады (мінус 15 пазіцый), практыкай правапрымянення законаў (мінус 16 пазіцый) і грамадзянскім правасуддзем (мінус 9 пазіцый).

Разам з тым, па ўзроўні барацьбы з карупцыяй наша краіна паднялася на тры пазіцыі ўверх.

Паводле belsat.eu

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-02-05 08:15:07
Интересные подсчеты вам, тутэйшыя, подсовывает неправительственная западная организация, которая живет в условиях западного счастия, в основе которого частная собственность, богатые и бедные, которое у них демократией зовется, и вот эта неправительственная организация, ни фига не знающая о нас, не представляющая и не желающая представить как это СТО ЛЕТ можно жить в Беларуси без частной собственности, без богатых и бедных, выставляет нам какие-то прОценты, рейтинги и места в западном марафонском забеге за их бедностью бедных и богатством богатых. Абы што гэтыя іх лічбы, спадарства.