Незалежнасці — 27 год

25 жніўня 1991-га вынікі змагання многіх пакаленняў беларусаў за незалежнасць, урэшце, былі замацаваныя юрыдычна — Вярхоўны Савет надаў Дэкларацыі аб дзяржаўным суверэнітэце статус канстытуцыйнага закону.

Сама Дэкларацыя была прынятая амаль за год да гэтага — 27 ліпеня 1990.

Сесія ВС была скліканая па патрабаванню дэпутатаў Апазіцыі БНФ і іншых дэпутатаў дэмакратычных поглядаў праз некалькі дзён пасля няўдалага путчу ГКЧП. Павестка дня складалася з двух пунктаў — «Аб бягучым моманце» і «Аб саюзным дагаворы», аднак Апазіцыя БНФ унесла пакет прапаноў: гэта і абвяшчэнне незалежнасці і пытанне аб адказнасці кіраўніцтва ВС за бяздзеянне ў дні путчу, і забарона КПБ-КПСС.

Перад пачаткам сесіі група дэпутатаў БНФ праз прамы тэлеэфір звярнулася да мінчан з заклікам прыходзіць на плошчу перад Домам ураду, і яны адгукнуліся.

Подпіс да малюнка (калі не змяняць, подпіс будзе выдалены аўтаматычна)



Пасяджэнне праходзіла пад бел-чырвона-белым сцягам, які ўнеслі ў залу сябры БНФ на чале з Зянонам Пазняком.

Сесія цягнулася два дні. З 24 па 25 жніўня. Пераломным момантам, як піша Сяргей Навумчык, стала тое, што фактычнага кіраўніка рэспублікі, першага сакратара ЦК КПБ Сяргея Малафеева БНФаўцы папросту сагналі з трыбуны, не даўшы выступіць:
"Далейшае адбылося спантанна. Мы паўскоквалі са сваіх месцаў і пабеглі да трыбуны — Галіна Сямдзянава, Ігар Гермянчук, Валянцін Голубеў, Мікола Крыжаноўскі, Віктар Ганчар, Іван Герасюк, Алесь Шут, Павал Холад, Яўген Глушкевіч, Сяргей Папкоў… (Мітусіўся Лукашэнка і ўгаворваў нас спыніцца — яго ня слухалі, на відэа гэта добра бачна). «Пайшоў вон!», «На месца!», «Бандыт!» — мы па-просту выштурхнулі Малафеева з трыбуны.

Дземянцей папрасіў абвясціць перапынак, у перапынку раіўся з членамі Прэзыдыюму: «Што рабіць?», і, калі праца сэсіі аднавілася, заявіў пра адстаўку. Людзі на плошчы сустрэлі гэта магутнымі воклічамі, якія, здавалася, даходзілі ў Авальную залю.

Камуністы былі псыхалягічна надломленыя і пачалі здаваць свае «бастыёны» адзін за другім."

У выніку былі прынятыя законы "Аб наданні статусу канстытуцыйнага закона Дэкларацыі Вярхоўнага Савета Беларускай ССР", "Аб дзяржаўным суверэнітэце Беларускай Савецкай Сацыялістычнай Рэспублікі" і пастанова «Аб забеспячэнні палітычнай і эканамічнай самастойнасці Беларускай ССР». Старшыня ВС Мікалай Дземянцей падаў у адстаўку, дзейнасць КПБ-КПСС была прыпыненая.

Галоўнае — Дэклярацыі аб дзяржаўным сувэрэнітэце БССР быў нададзены статус Канстытуцыйнага закону Беларусь юрыдычна зрабілася незалежнай дзяржавай, якую адна за другой пачалі прызнаваць іншыя краіны свету.

Такім чынам, можна сказаць, што сёння ў Беларусі есць цэлых тры дні незалежнасці: 25 Сакавіка (Дзень Волі - аб’яўленьне незалежнасьці БНР), 27 ліпеня 1990 года — дзень аб’яўленьня Дэклярацыі аб незалежнасьці БССР. І як вынік - наданне Дэкларацыі статусу закона 25 жніўня 1991 года. 

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-08-25 14:18:53
"Такім чынам, можна сказаць, што сёння ў Беларусі есць цэлых тры дні незалежнасці..."
РБ атрымала незалежнасць 8 снежня 1991 у Белавежжы з рук Расеі, дарэчы разам з Украінай, калі тры краіны падпісалі паперу аб канчыне СССР, але Дзень Незалежнасці, адпаведна рашэнню ВС- 27 ліпеня 1990. У гэты дзень ч-з камуністычная большасць ВС абвясціла дзяржаўны суверэнітэт БССР і прыняла адпаведную Дэкларацыю. То бок беларускія камуністы сваю ССРБ, якую абвясцілі ў складзе РФ (гл.«Маніхвэст» ад 1.01.1919), 27 ліпеня 1990 абвясцілі незалежнай суверэннай дзяржавай.
Б-ч-б фракцыя БНФ выйшла тады з залы ВС, не галасавала, і навекі выключыла Беларускі Народны Фронт з ліку палітычных сілаў, якія абвясцілі дзяржсуверэнітэт нашае Бацькаўшчыны. Крыху пазней у 1994 камуністы выдвінулі і падтрымалі кандыдатуру Лукашэнкі на пасаду кіраўніка РБ, змяніўшы канстытуцыйны мінімальны ўзрост презідента з 40 на 35 год, і пасля яго перамогі засталіся ва ўладзе да гэтага часу. Дзякуй за адраджэнне КП(б)Б, Зяноне!
  • фцф
  • 2018-08-25 22:08:39
Якая БНФ? Якая апазіцыя ў ВС? Старкоў, Лукашэнка і КПБ - галоўныя ініцыятары і заснавальнікі РБ. І ейнага б-ч-б сцяга разам з гербам "Пагоня". Усе астатнія - толькі прымазаліся і піярыліся на фоне палітычных гігантаў і празарліўцаў. Такая вось сапраўдная гісторыя гэтай краіны.
  • Anatol Starkou
  • 2018-08-26 10:25:09
Адказваю на пытанні:
(1) "Якая БНФ?"
Беларускага Народнага Фронту ніколі не існавала. Існаваў Зя-БНФ. Бо калі б існаваў НАРОДНЫ, а не прыватны Фронт, то, напрыклад, КАМАНДУЮЧАГА ФРОНТАМ Фронт не адправіў бы на ПЯЦЬ ЛЯТ на курсы павышэння кваліфікацыі ўпустую стаяць ля мікрафону ВС, нічога за гэты час стаяння не зрабіць, акрамя як смяротна параніць Фронт у 1992 (словы Партыі БНФ на яе сайте ў тэме гісторыя БНФ) і дабіць паранены Фронт у 1999. Да таго ж НАРОДНЫ Фронт ніколі б не дазволіў Камандуючаму друкаваць артыкул о русском империализме и его опасности за чатыры месяцы да вырашальных выбараў 1994, які канчаткова згуртаваў ч-з беларускіх камуністаў, з мэтай перамагчы і застацца пры ўладзе, дый згуртаваў тых беларусаў, якія за шэсць гадоў так званага адраджэння стаміліся слухаць байкі б-ч-б Камандуючага прыватным Зя-БНФ.
Так быў абраны Лукашэнка, так быў загублены Фронт, так улада камуністаў засталася уладай камуністаў, а мы засталіся з б-ч-б носам.
Каментар выдалены
  • Anatol Starkou
  • 2018-08-26 13:25:00
(2) "Старкоў, Лукашэнка і КПБ - галоўныя ініцыятары і заснавальнікі РБ."

Старков и рядом не стоял ля заснавальнікаў, а швэндаўся ў б-ч-б натоўпе па вуліцах Мінска за Сьвятым Зяпонам.
Лу не швэндаўся, але да ЗАСНАВАННЯ РБ таксама не мае дачынення. Рыгоравіч мае дачыненне да практычнага СТВАРЭННЯ незалежнай РБ.
Эліта былой КП(б)Б = эліта былой парт-дзярж-наменклатуру БССР - гэта і ёсць заснавальнікі і стваральнікі РБ. Яны беларускія бальшавікі аснавалі ССРБ 1.01.19 у Смаленску, абвясцілі дзяржсуверэнітэт 27.07.90 як АБРАНЫЯ НАРОДАМ легітымныя дэпутаты легітымнага ВС, прадстаўнік іх КП(б)Б прысутнічаў і падпісаў 8.12.91 паперу аб канчыне СССР у Белавежжы, і тым самым РБ атрымала незалежнасць.

(3) "І ейнага б-ч-б сцяга разам з гербам "Пагоня"."

Не ўрубіўся пры чым тут сцяг і пагоня? Мо ў першым пытанні ты чалавеча памыліўся і хацеў напісаць БНР? Дык тады твой дзень незалежнасці 25 сакавіка, то бок Дзень Волі пад Нямецкім Кайзераўскім Салдацкім Ботам.
  • Люстэрка
  • 2018-08-25 15:50:38
27 гадоў таму беларусы атрымалі свой агульны для нацыі Дом на планеце Зямля. А Дэкларацыя аб дзяржаўным суверэнітэце гэта наш дакумент на права ўласнасці беларускай нацыі на гэты дом.
А хто там шастае па нашай хаце, хто што тырыць, і хто трымае дзверы незачыненымі з аднога боку, з тым народ разбярэцца.
Са Святам, Беларусы!