Пачобут: «Дзіўна, што на 26 годзе праўлення Аляксандра Рыгоравіча яшчэ ёсць тыя, хто сумняецца»

Вядомы журналіст — пра тое, чаму дзівіцца «маўклівай большасці, якая паспрабавала сябе ў палітыцы».
Напярэдадні адна з сяброў ініцыятыўнай групы Віктара Бабарыкі апублікавала пост, у якім паведаміла, што ніколі не складалася ў шэрагах апазіцыі, «бо іх мэты мне не зразумелыя, а метады не блізкія».

— Я ніколі не супрацьпастаўляла сябе ўладзе, мой кандыдат дзейнічае ў рамках прававога поля і ў дакладнай адпаведнасці з выбарчым кодэксам. Пытанне. На якой падставе ўлады з альтэрнатыўнага кандыдата спрабуюць зрабіць апазіцыянера і злачынца, — напісала яна.

«Для тых, хто яшчэ не зразумеў»

Вядомы журналіст Анджэй Пачобут, які «праходзіў» не адну прэзідэнцкую кампанію, тлумачыць.

— Для тых, хто яшчэ не зразумеў. У Беларусі ёсць Аляксандр Лукашэнка. Калі ты яго не падтрымліваеш, то ты ўжо апазіцыя. І не гэтак важныя твае погляды, ацэнкі і меркаванні. Ты ўжо вораг. — піша Анджэй Пачобут. — Калі ты задумаў пазбавіць Аляксандра Рыгоравіча ўлады, то адразу ж становішся крымінальнікам, адмарозкам, шалудзівы, пузатым буржуем і г.д. І настаўляць цябе на шлях сапраўдны будуць КДБ, МУС, ААЦ, пракуратура, Следчы Камітэт і іншыя, іншыя, іншыя.

Усе спробы разбурыць гэты парадак рэчаў — маўляў, я не з уладай і не з апазіцый, але я нармальны, спакойны і ўраўнаважаны чалавек, але ёсць толькі некалькі заўваг, хацелася б крышачку паправіць... Усё гэта заўсёды сканчаласяя адным і тым жа.

Для Аляксандра Рыгоравіча няма асаблівай розніцы: хто, чаму і ў якой частцы зрабіў замах на яго самадзяржаўе. Хто пасмеў паставіць пад сумнеў яго аўтарытэт.

Дзіўна, што на 26 годзе праўлення Аляксандра Рыгоравіча ёсць яшчэ тыя, хто сумняецца ў гэтым асноватворчым парадку рэчаў і шчыра веруючыя, што сваім тлумачэннем «я не апазіцыя» яны расчуляць КДБ, МУС, ААЦ і іншых, іншых, іншых.

«Давайце больш беражліва ставіцца адзін да аднаго»

Выказаўся і прэтэндэнт у кандыдаты Андрэй Дзмітрыеў.

— Я не разумею, навошта і за што накінуліся на гэтую дзяўчыну. Так, яе развагі трохі наіўныя, але ж важней, што яна прыйшла ў каманду кандыдата, дапамагае яму, удзельнічае ў палітыцы, — піша лідэр «Гавары праўду». — Калі б усе беларусы, хто так разважае, паступілі як Ганна, мы жылі б у іншай краіне. Дзе і праўда прэзідэнты мяняюцца праз выбары, а апазіцыя — гэта не лаянкавае слова, а партыі ў парламенце ўяўляюць альтэрнатыву ўраду.

Давайце больш беражліва ставіцца адзін да аднаго, нам цалкам дастаткова той бляхі, што робіць і яшчэ зробіць уладу.

Паводле Салідарнасці

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: