Пагадненне Украіна — ЕС пачне дзейнічаць з 1 студзеня 2016 г.

Брусэль, Кіеў і Масква зацвердзілі дату ўваходжання ў дзеянне пагаднення ЕС — Украіна.



Пагадненне аб асацыяцыі паміж ЕС і Украінай пачне дзейнічаць з 1 студзеня 2016 года. Гэтую дату ўзгаднілі ў панядзелак, 18 траўня, у Брусэлі камісарка ЕС  па пытаннях гандлю Сесілія Мальмстрэм, міністр замежных спраў Украіны Павел Клімкін і міністр эканамічнага развіцця РФ Аляксей Улюкаеў.
 
 
Расійскае кіраўніцтва адмовілася ад сваіх патрабаванняў зноў адкласці ўваходжанне ў дзеянне пагаднення, паведаміла Еўракамісія. Са слоў Мальмстрэм, расійская дэлегацыя не выказвала ніякіх пратэстаў з нагоды тэрмінаў.
 
 
Зацягваць гэты працэс не ў інтарэсах ні Масквы, ні яе партнёраў, выказаўся, у сваю чаргу, расійскі міністр. «Мы мяркуем, што трэба максімальна эфектыўна выкарыстоўваць той час, які ёсць».
 
 
Завяршыць практычнае развязанне пытанняў, якія ўзняла Масква ў сувязі з пагадненнем ЕС і Украіны, даручана экспертам.
 
 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: