Пасол Расіі Бабіч выказаўся пра мяккую беларусізацыю

Карэспандэнт RT пацікавіўся ў дыпламата, што азначае палітыка мяккай беларусізацыі, якая праводзіцца ў краіне «з ведама ўладаў», і ці можа гэта пагражаць рускамоўнаму насельніцтву Беларусі.
Міхаіл Бабіч

Міхаіл Бабіч

— Вельмі тонкая мяжа паміж мяккай беларусізацыяй і дэрусіфікацыяй. Патлумачу, у чым гэтая тонкасць заключаецца. Насамрэч вывучэнне роднай мовы, роднай гісторыі, роднай культуры, традыцый свайго народа — гэта нават не права, гэта абавязак любога народа, які не хоча страціць самаідэнтычнасць. І было б дзіўна якім-небудзь чынам абмяжоўваць у незалежнай і суверэннай дзяржаве гэтыя магчымасці.

Пасол таксама прывёў у прыклад савецкі перыяд — на яго думку, менавіта тады актыўна развівалася беларуская мова, нацыянальная культура, нацыянальная адукацыя. Ён лічыць, што калі Беларусь і сёння ідзе ў гэтым кірунку, то ў гэтым няма нічога дрэннага. Пры гэтым Міхаіл Бабіч адзначыў, што гэта не павінна адбывацца за кошт ушчамлення рускай мовы, сумеснай культуры ці гісторыі.

nn.by

Хочаце ведаць больш? Сачыце за нашымі публікацыямі ў Telegram і Facebook!