Плаціць 80 еўра за «шэнген» беларусы не будуць

Пагадненне аб спрашчэнні візавага рэжыму з ЕС будзе падпісана не пазней за 2 лютага 2020 года. Хутчэй за ўсё, гэта адбудзецца ўжо сёлета ў лістападзе.

Пра гэта паведаміла журналістам кіраўнік прадстаўніцтва Еўрапейскага саюза ў Беларусі Андрэа Віктарын пасля сустрэчы з Аляксандрам Лукашэнкам, паведамляе газета "Звязда". 

«Так, мы падпішам візавае пагадненне. Не магу назваць канкрэтную дату, але ўсе дакументы ўжо падрыхтаваныя, і зараз абодва бакі праходзяць неабходныя юрыдычныя працэдуры. Хочам падпісаць падчас працы цяперашняй камісіі, тэрмін дзеяння якой заканчваецца ў лістападзе. Цвёрда ўпэўнена, што гэта атрымаецца. Мы ўсе ведаем крайні тэрмін 2 лютага наступнага года. Мы падпішам да таго», — упэўненая Андрэа Віктарын.

Нагадаем, нядаўна ў Еўрасаюзе прынялі змены ў Візавы кодэкс, з 2 лютага 2020 года за атрыманне шэнгенскай візы давядзецца заплаціць 80 еўра.

Перамовы аб спрашчэнні візавага рэжыму вядуцца ўжо не першы год. 4 ліпеня ў інтэрв'ю TUT.BY кіраўнік прадстаўніцтва ЕС у Мінску Андрэа Віктарын заявіла, што «перамовы ўжо завершаны, супярэчнасцяў няма, тэкст ўзгоднены». Зараз Мінск і Брусель павінны правесці дакумент праз усе ўнутрыдзяржаўныя працэдуры. Гэты працэс можа заняць 2-3 месяцы, а затым бакі выходзяць на падпісанне дакументаў. Чакаецца, што для гэтай цырымоніі правядуць сустрэчу на высокім узроўні. Пасля падпісання пагаднення «шэнген» для беларусаў будзе каштаваць 35 еўра.

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook!