Расія адмовілася абмяркоўваць кампенсацыю страт Беларусі ў выніку падатковага манеўру

Расійскі бок не лічыць магчымым абмяркоўваць гэта «да прыняцця прынцыповых рашэнняў аб руху ў кірунку далейшай інтэграцыі Расіі і Беларусі ў рамках Саюзнай дзяржавы».
bdg.by

bdg.by

Віцэ-прэм'ер Расіі Дзмітрый Козак у аўторак на сустрэчы з дэлегацыяй з Беларусі не стаў абмяркоўваць кампенсацыю страт ад падатковага манеўру і прадастаўлення зніжкі на газ, паведаміла «Інтэрфаксу» крыніца, блізкая да перамоваў.

Паводле яе слоў, віцэ-прэм'ер не лічыць магчымым абмяркоўваць гэта «да прыняцця прынцыповых рашэнняў аб руху ў кірунку далейшай інтэграцыі Расіі і Беларусі ў рамках Саюзнай дзяржавы».

Паводле яе дадзеных, сустрэча прайшла ў вузкім складзе, ад беларускай дэлегацыі ў ёй прынялі ўдзелвіцэ-прэм'ер Ігар Ляшэнка і амбасадар у Расіі Уладзімір Сямашка.

На мінулым тыдні ў ходзе пасяджэння еўразійскага эканамічнага савета Аляксандр Лукашэнка звярнуў увагу на розныя ўмовы цэнаўтварэння для беларускіх і расійскіх спажыўцоў газу. Паводле яго слоў, для беларускіх спажыўцоў паліва каштуе $ 130 за тысячу куб м, тады як для расійскіх — $ 70 (у суседняй Смаленскай вобласці). На гэта кіраўнік Расіі Уладзімір Пуцін адказаў, што калі б для Беларусі была рынкавая цана газу, яна была б пад $ 200 за тыс. куб. м, а не $ 130, і прапанаваў працягнуць дыскусію аб цэнах на газ пазней у закрытым рэжыме. Пасля Лукашэнка расказаў, што папрасіў прабачэння перад Пуціным за тое, што ў «нядобрай форме» ініцыяваў дыскусію па газавым пытанні.

У пачатку лістапада Мінск і Масква ўступілі ў актыўную фазу перамоваў пра механізм кампенсацыі беларускаму боку выпадаючых даходаў бюджэту з-за пачатку рэалізацыі ў РФ так званага падатковага манеўру ў нафтавай сферы. Механізм прадугледжвае паэтапнае памяншэнне экспартных пошлін на нафту і нафтапрадукты. Падатковы манеўр прывядзе да падаражэння нафты для Беларусі і зніжэння экспартных пошлін на нафтапрадукты, якія ў цяперашні час з'яўляюцца асноўнай крыніцай фарміравання прафіцыту бюджэту і накіроўваюцца на пагашэнне знешняга дзярждоўгу.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: