Расійскія караблі пагражаюць інтэрнэт-камунікацыям

Расійскія падводныя лодкі і выведвальныя караблі ходзяць занадта блізка да падводных оптавалакновых кабеляў, праз якія пракладзены амаль усе глабальныя інтэрнэт-камунікацыі, паведамляе газета New York Times.



Фота з сайта bastion-opk.ru


Амерыканскія вайскоўцы і прадстаўнікі спецслужбаў заявілі выданню наконт асцярогаў, што Расія можа пашкодзіць гэтыя кабелі ў выпадку канфлікту або росту напружанасці ў адносінах з Захадам, адзначае ВВС.

Калі Расія парушыць цэласнасць оптавалакновых кабеляў у якім-небудзь з самых цяжкадаступных месцаў, гэта перарве інтэрнэт-камунікацыі, ад якіх залежныя ўрады, бізнес і звычайныя грамадзяне. Пакуль такіх інцыдэнтаў не адбывалася, але актыўнасць ВМФ Расіі сур'ёзна турбуе Пентагон, паведамілі крыніцы выдання.

Так, у верасні "Янтарь", які Расія называе Акіянаграфічны даследчым суднам, а Пентагон падазрае ў правядзенні разведвальных аперацый, праходзіў уздоўж усходняга ўзбярэжжа ЗША па кірунку да Кубы. Па дадзеных крыніц, "Янтарь" і два яго самаходныя глыбакаводныя апараты былі здольныя пашкодзіць важны оптавалакновы кабель, які праходзіць паблізу ваенна-марской базы ЗША ў бухце Гуантанама.

Кабелі атрымліваюць пашкоджанні вельмі часта — з-за якароў ці прыродных катастроф, адзначыў спецыяліст па міжнародных адносінах у кіберпрасторы Майкл Секрыст, які раней апублікаваў даследаванне аб уразлівасці кабеляў. Аднак гэта, як правіла, адбываецца недалёка ад берага, і выправіць гэта можна на працягу некалькіх дзён.

Пентагон турбуе, што Расія, відаць, шукае слабыя месцы ў кабелях на вялікай глыбіні, дзе пашкоджанні будзе складана выявіць і выправіць. Акрамя таго, па словах крыніц, Расія можа шукаць сакрэтныя кабелі, якія выкарыстоўваюцца для ваенных камунікацый, у той час як размяшчэнне звычайных, "грамадзянскіх" кабеляў не з'яўляецца таямніцай.

Кабелі ў цяперашні час перадаюць дадзеныя, якія забяспечваюць функцыянаванне бізнесу агульнай капіталізацыяй 10 трыльёнаў долараў у дзень. Любое сур'ёзнае пашкоджанне перапыніць патокі капіталу.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: