Савет ЕС правядзе экстранны відэасаміт па Беларусі

Народ Беларусі мае права вызначыць уласную будучыню, заявіў старшыня Еўрасавета Шарль Мішэль. Ён назваў недапушчальным гвалт супраць дэманстрантаў.
Шарль Мішэль

Шарль Мішэль

На фоне масавых акцый пратэсту ў Беларусі старшыня Савета Еўрасаюза Шарль Мішэль абвясціў аб правядзенні ў сераду, 19 жніўня, надзвычайнага відэасаміта ЕС па сітуацыі ў Беларусі. "Народ Беларусі мае права вызначыць сваю будучыню і свабодна абраць свайго лідара. Гвалт супраць пратэстуючых непрымальны і недапушчальны", — напісаў Мішэль у сваім мікраблогу Twitter у панядзелак, 17 жніўня.

Ён удакладніў, што відэасаміт ЕС па Беларусі прызначаны на 12-ую гадзіну па сярэднееўрапейскім часе.

Дапамога і санкцыі


Лідары краін ЕС абмяркуюць, якую дадатковую дапамогу яны могуць аказаць Беларусі. У якасці магчымых варыянтаў абмяркоўваецца ўстанова фонду дапамогі ахвярам рэпрэсій у Беларусі, фінансаванне праектаў у падтрымку медыйнага плюралізму ў гэтай краіне, кансультаванне па пытаннях рэформы праваахоўных органаў, пашырэнне студэнцкага абмену, а таксама аблягчэнне доступу беларусаў да рынку працы ў ЕС.

Раней паведамлялася, што Еўрасаюз запусціў працэс увядзення санкцый супраць беларускіх чыноўнікаў, якія абвінавачваюцца ў фальсіфікацыі вынікаў прэзідэнцкіх выбараў у Беларусі і ў датычнасьці да жорсткага падаўлення акцый пратэсту ў гэтай краіне. У той жа час Польшча, Чэхія, краіны Балтыі і Данія заклікалі ЕС выступіць у якасці пасярэдніка паміж Аляксандрам Лукашэнкам і апазіцыяй.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: