Старшыня партыі Беларуская сацыял-дэмакратычная Грамада будзе вылучыцца ў прэзідэнты

Старшыня партыі Беларуская сацыял-дэмакратычная Грамада Сяргей Чэрачэнь мае намер вылучыцца кандыдатам у прэзідэнты. Адпаведнае рашэнне было прынята на пасяджэнні Цэнтральнай Рады БСДГ, якая прайшла ў Мінску 11 студзеня, паведаміў Чэрачэнь БелаПАН.
Як адзначыў палітык, асноўная задача вылучэння партыяй яго кандыдатуры — набрацца вопыту ў будучай выбарчай кампаніі.

«Задача — па максімуму набрацца вопыту, як і на парламенцкай кампаніі. Мы працуем у новым складзе крыху больш за год, і нам патрэбен вопыт. У нас ёсць разуменне, што на гэтых прэзідэнцкіх выбарах будзе тая ж сітуацыя з падлікам галасоў, што і на парламенцкіх. Але 2025 — гэта тая пераломнага дата, калі мы зможам па-сапраўднаму ўдзельнічаць у выбарчай кампаніі. Зараз мы ставім планку, як мінімум, на другое месца па выніках, а не па падліку», — сказаў Черечень.

Паводле яго слоў, цяпер ідзе падрыхтоўка перадвыбарнай праграмы. У бліжэйшы час пройдзе сустрэча з экспертамі і прадстаўнікамі бізнесу, пасля іх ацэнкі і дапрацоўкі праграма будзе апублікаваная.

«Мы перапрацоўваем старую праграму яшчэ з 90-ых, пакідаем фундаментальныя моманты, і падводзім да рэалій сучаснага жыцця. Сярод іншага, мяне цікавяць пытанні бізнесу, таму што сацыяльнае забеспячэнне грунтуецца на эканоміцы, а яна зараз не працуе. Няма эканомікі — няма нармальнага жыцця для грамадзян», — сказаў партыйны лідэр.

Паводле яго слоў, перамовы з іншымі апазіцыйнымі структурамі не вяліся. Ёсць некалькі арганізацый, з кім разглядаецца магчымасць супрацоўніцтва, але гэта не палітычныя партыі.

«Шанцы сабраць подпісы ў падтрымку майго вылучэння абсалютна рэальныя. Мы ўжо сабралі калектыў, які будзе фармаваць штаб, праехаліся па рэгіёнах. Людзі ёсць, і яны гатовыя збіраць подпісы — за 100 000 гэта адэкватная лічба, але прыйдзецца папрацаваць», — сказаў старшыня БСДГ.

Сяргей Чэрачэнь нарадзіўся ў траўні 1985 гады ў Крычаве. Скончыў Магілёўскі дзяржаўны абласны ліцэй, Беларускі дзяржаўны універсітэт інфарматыкі і радыёэлектронікі. У 2016 годзе вылучаўся кандыдатам у дэпутаты Палаты прадстаўнікоў ад Камуністычнай партыі Беларусі, выйшаў з яе па ўласным жаданні ў канцы 2017. У 2018 годзе быў абраны старшынёй БСДГ. На сваёй пасадзе ён змяніў заснавальніка партыі, экс-старшыні Вярхоўнага савета Рэспублікі Беларусь Станіслава Шушкевіча. Таксама з 2017 года — старшыня грамадскага аб'яднання «Дыпламатыя».

Прэзідэнцкія выбары павінны адбыцца не пазней за 30 жніўня 2020 года.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: