Статкевіч і Някляеў плануюць правесці на Кастрычніцкай плошчы масавую акцыю

Апазіцыйныя палітыкі Мікалай Статкевіч і Уладзімір Някляеў праінфармавалі Мінгарвыканкам аб намеры правесці 12 верасня на Кастрычніцкай плошчы масавую акцыю. 6 верасня яны прынеслі ў Мінгарвыканкам адпаведны дакумент.

Фота з сайта freeregion.info

Фота з сайта freeregion.info



У дакуменце гаворыцца, што, згодна з артыкулам 55 Канстытуцыі Беларусі і падпісанымі краінай міжнароднымі дамовамі, Статкевіч і Някляеў маюць намер правесці масавую акцыю з мэтай патрабаваць "сапраўдных выбараў замест выбарчых фарсаў, якія рэгулярна арганізуе кіруючы рэжым". Пачатак акцыі запланаваны на 18.00. Мінгарвыканкаму прапануецца выканаць патрабаванні Канстытуцыі і забяспечыць бесперашкоднае правядзенне акцыі.

У каментарыі БелаПАН Статкевіч падкрэсліў, што гэты дакумент не з'яўляецца заяўкай на дазвол акцыі. "Гэта апавяшчэнне аб намеры яе правесці. Акцыя будзе, яны не могуць мне яе забараніць, я не прашу дазволу", — заявіў былы палітвязень.

11 верасня ў Беларусі пройдуць выбары ў Палату прадстаўнікоў Нацыянальнага сходу шостага склікання. Датэрміновае галасаванне пачалося 6 верасня.

Таццяна Каравянкова, БелаПАН

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: