Суды і затрыманні па ўсёй Беларусі працягваюцца ў пятніцу (абнаўляецца)

У Магілёве раніцай 5 чэрвеня судзяць яшчэ адну ўдзельніцу сустрэчы 5 траўня з камандай блогера Сяргея Ціханоўскага — Вольгу Лобан.


Адміністрацыйную справу па арт 23.34 КаАП разглядае суд Кастрычніцкага раёна Магілёва.

Вольга мае двух непаўнагадовых дзяцей ды яшчэ інваліднасць па зроку.

Суддзя Наталля Крашкіна вынесла пастанову — штраф у памеры 20 базавых велічынь за парушэнне ч.1 арт 23.34 КаАП. Агулам за сустрэчу з камандай Ціханоўскага ў Магілёве было затрымана больш за 20 чалавек. Большасць з іх было пакарана адміністрацыйнымі арыштамі, некаторыя атрымалі штрафы.

Праваабаронцам стала вядома пра затрыманне ў Лідзе актывіста "Народнай грамады" з Гародні Уладзімера Арцымана. Падрабязнасці затрымання высвятляюцца.

Паведамляюць пра затрыманне ў Мазыры Аляксандра Цуканава,  аўтара канала "Мазыр для жыцця". Затрымлівалі сілавікі ў чорных масках.

У Мінску затрыманая жонка Сяргея Мацкойця — Алена Лазорчык. Два дні яе настойліва запрашалі наведаць аддзяленне міліцыі, але яна адмаўлялася. Сёння, калі Алена вышла з дому на працу, яе схапілі супрацоўнікі міліцыі і даставілі ў Кастычніцкі РУУС Мінска.

З Гомеля паведамляюць пра затрыманне прэтэндэнта ў кандыдаты Уладзіміра Няпомняшчых. Супрацоўнікі міліцыі паведамілі, што на яго складзены пратакол правапарушэння. Вязуць ў Цэнтральны РАУС.

Зміцер Казакевіч паведаміў у фэйсбуку пра затрыманне Валерыя Рабцава. Вязуць ў РУУС Заводскага раёна Мінска. Меркавана за пікет 31 траўня на Камароўцы.

Да пад'езда дому, дзе пражывве актывіст "Еўрапейскай Беларусі" Леанід Кулакоў апоўдні пад'ехалі два аўтамабілі з супрацоўнікамі міліцыі. Пакуль ніякіх дзеянняў не адбываецца, Верагодна хочуць заблакаваць, каб не ўдзельнічаў у сённяшніх акцыях у цэнтрs сталіцы.

Тэлеграм-канал “Маладога фронту» паведамляе: "Маладафронтавец Віталь Трыгубаў быў асуджаны ў панядзелак Кастрычніцкім судом Мінска на 5 сутак".



Учора паведамлялася, што аўтамабілі з супрацоўнікамі міліцыі дзяжурыць каля дому, дзе зараз знаходзяцца актывісты «Еўрапейскай Беларусі» Міхаіл Бандарэнка і Арцём Чарняк. Пра “засаду” каля свайго дому піша ў фэйсбуку Вольга Нікалайчык. "Вартуюць" Яўгена Афнагеля і Дзмітрыя Казлова.  

spring96.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: