Святлана Ціханоўская праводзіць агітацыйныя пікеты ў гарадах Брэсцкай вобласці

Кандыдат у прэзідэнты Святлана Ціханоўская 2 жніўня сустракаецца з выбаршчыкамі Брэсцкай вобласці. У праграме аб'яднанага штаба наведванне Баранавічаў, Брэста і Бярозы. У Пінску мітынг ім правесці не дазволілі — пляцоўку заняла давераная асоба Лукашэнкі Таццяна Лугіна.
Візіт Святланы Ціханоўскай ў Брэсцкую вобласць пачаўся з Баранавічаў. Тут у гарадскім парку імя 30-годдзя ВЛКСМ у 10.00 стартаваў мітынг. Телеграм-канал «Беларусь галаўнога мозгу» публікуе відэа з пачатку сустрэчы. На ім ужо сотні жыхароў, да сцэны ўжо не прайсці. Па дадзеных незарэгістраванага цэнтру «Вясна», на 11.00 у мітынгу ўдзельнічала 7400 чалавек.

Раніцай, напярэдадні мітынгу, стала вядома пра затрыманне сёння ў час стрыма Мікалая Маслоўскага, даверанай асобы Святланы Ціханоўскай, паведамляе телеграм-канал «Краіна для жыцця».

У 10.30, традыцыйна пад песню «Муры», на сустрэчу прыбылі Святлана Ціханоўская, Вераніка Цапкала і Марыя Калеснікава.

Дзяўчат сустрэлі хлебам-соллю і пажадалі набраць 76%. У Баранавічах таксама ўспомнілі затрыманага ўчора блогера і трактарыста Яўгена Васількова, і папрасілі Ціханоўскую, калі яна стане прэзідэнтам, прызначыць яго старшынёй сельсавета. Ціханоўскуая павіншавала прысутных з днём ПДВ:

— Мы вельмі хочам паважаць нашу армію. Дапамажыце нам. Зрабіце так, каб мы вамі ганарыліся.

— Улада — гэта народ. Гэта — вы, — сказала Святлана Ціханоўская, спыніўшыся асобна на праблеме дзясяткаў палітвязняў, праблемы людзей, якіх і цяпер затрымліваюць — за стрымы, за петыцыі, за стаянне ў чэргах, і гэта стала штодзённасцю.

 У новай Беларусі такога не будзе, — заявіла кандыдат. — І чым далей я бяру ўдзел у кампаніі, тым менш мне страшна!

Яна раскрытыкавала практыку ўладаў па ачарненні прэтэндэнтаў на пасаду прэзідэнта.

— У Ціханоўскага грошы за канапай знайшлі. У Віктара — па грошамі — канапу. У Цапкалы забракавалі палову подпісаў. Яны не ўлічылі, што за плячыма кожнага моцнага мужчыны стаіць моцная жанчына, — заявіла Ціханоўская.

Прадстаўнік штаба Віктара Бабарыкі Марыя Калеснікава вітала ўсіх на беларускай мове. Яна, у прыватнасці, абурылася тым, што ўлада не звяртае ўвагу на дасягненне беларусаў, яна толькі хаміць і запалохвае. Пры гэтым у Баранавічах 30% стратных прадпрыемстваў, а 50% эканомікі горада — прыватныя, малыя і сярэднія прадпрыемствы.

Некалькім людзям на сустрэчы стала дрэнна, нягледзячы на ​​ранні час, у Баранавічах горача — са сцэны прасілі аказаць людзям медыцынскую дапамогу.

Нагадаем, за некалькі тыдняў да мерапрыемства работнікі УКРСП «Баранавічырамбуд» разабралі сцэну. Журналісту газеты Intex-press працоўныя паведамілі, што ім «паступіў загад кіраўніцтва». Акрамя таго выданне паведаміла, што ў ноч на 1 жніўня невядомыя павесілі на пустым білбордзе ля аўтастаянкі за вёскай Тартакі расцяжку з надпісам: «Ціханоўская вочы працяры ў Баранавічах не набярэш і 3». Актывісты штаба паведамілі пра гэта ў міліцыю.

1 жніўня кандыдат у прэзідэнты сабрала шматтысячныя мітынгі ў Гродне, Ваўкавыску і Слоніме.

30 ліпеня Святлана Ціханоўская сустракалася з выбаршчыкамі ў Мінску. І гэта была адна з самых масавых акцый у гісторыі незалежнай Беларусі: паводле звестак праваабаронцаў, мітынг наведалі 63 тысячы чалавек.

Праўда, МУС прадаставіла свае падлікі. «Праз кантрольна-прапускныя пункты, абсталяваныя рамачнымі металадэтэктарамі, прайшло ўжо 18 250 чалавек», — гаварылася ў іх паведамленні. Нагадаем, падчас «Плошчы-2010» на вуліцы Мінска несанкцыянавана выйшлі каля 50 тысяч чалавек.

tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: