Святлана Ціханоўская просіць Вярхоўны суд прызнаць выбары несапраўднымі

21 жніўня Святлана Ціханоўская падала скаргу ў Вярхоўны суд з патрабаваннем прызнаць выбары несапраўднымі. У Вярхоўны суд прадставілі тысячы дакумента — 25 папак — з доказамі парушэнняў падчас выбараў



21 жніўня па даручэнні Святланы Ціханоўскай яе давераныя асобы Вольга Кавалькова і адвакат Максім Знак падалі скаргу ў Вярхоўны суд Рэспублікі Беларусі аб непрызнанні вынікаў выбараў.

Святлана Ціханоўская просіць адмяніць рашэнне ЦВК ад 14.08.2020 і прызнаць выбары прэзідэнта Рэспублікі Беларусь, якія адбыліся 9 жніўня 2020 года, несапраўднымі.

У Вярхоўны суд былі прадстаўлены тысячы дакументаў, якія пацвярджаюць сістэматычныя парушэнні, дапушчаныя ад пачатку кампаніі і да дня галасавання. Асноўнае парушэнне — гэта фальсіфікацыя выніковых пратаколаў галасавання, дзе колькасць тых, хто прагаласаваў за Святлану Ціханоўскую ў разы меншая за колькасць тых, хто пацвердзіў свой голас у калектыўным звароце.

У Вярхоўны суд прынеслі 25 папак з доказамі парушэнняў падчас выбараў

У Вярхоўны суд прынеслі 25 папак з доказамі парушэнняў падчас выбараў


Штаб Святланы Ціханоўскай адзначае, што працягне выкарыстоўваць усе законныя механізмы абароны галасоў выбаршчыкаў.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: