Святлану Ціханоўскую запрасілі выступіць у Камітэце па замежных справах у Сенаце ЗША

Святлана Ціханоўская сустрэлася з амерыканскімі сенатарамі Джын Шахін, Крысам Мэрфі і Робам Портманам падчас іх візіту ў Вільню.


На сустрэчы абмяркоўваліся атакі на Hrodna.life, TUT.by, «Белсат» і незалежных журналістаў у Беларусі. Ціханоўская прапанавала падтрымаць «Радыё Свабода»і запусціць беларускую рэдакцыю «Голаса Амерыкі». Таксама абмяркоўваўся магчымы ўдзел Ціханоўскай у саміце G7, паведамляе REFORM.by са спасылкай на штаб Ціханоўскай.

Сенатары запрасілі Ціханаўскую наведаць Вашынгтон і выступіць у Камітэце па замежных справах у Сенаце ЗША ў чэрвені.

Роб Портман адзначыў у Twitter, што дзейныя санкцыі ЗША ў дачыненні да Беларусі недастаткова эфектыўныя, і падтрымаў увядзенне санкцый у дачыненні да найбольш адчувальных для рэжыму сфер.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: