Штаб Ціханоўскай заявіў аб распрацоўцы IT-рашэння для падліку галасоў на выбарах

Больш за 200 чалавек з розных краін у цяперашні час працуюць над распрацоўкай IT-платформы, з дапамогай якой альтэрнатыўныя кандыдаты маюць намер змагацца з магчымымі парушэннямі падчас галасавання на прэзідэнцкіх выбарах.


«У ініцыятыве ўдзельнічаюць больш за 200 неабыякавых грамадзян нашай краіны, якія жывуць у Беларусі, ва Украіне, Чэхіі, Германіі, іншых краінах. Проста зараз групы таленавітай моладзі працуюць над стварэннем таго IT-рашэння, якое дапаможа мінімізаваць фальсіфікацыі на маючых адбыцца выбарах», — заявіла Вераніка Цапкала (жонка экс-прэтэндэнта на пасаду прэзідэнта Валерыя Цапкалы, якому ЦВК адмовіў у рэгістрацыі).

Цапкала выступіла на першым публічным мітынгу кандыдата ў прэзідэнты Беларусі Святланы Ціханоўскай, які прайшоў у нядзелю ў Дзяржынску (Мінская вобласць).

Як паведамлялася, на мінулым тыдні штабы Ціханоўскай, Цапкалы, а таксама штаб незарэгістраванага прэтэндэнта Віктара Бабарыкі заявілі аб аб'яднанні. Намаганні трох штабоў накіраваныя ў падтрымку Святланы Ціханоўскай.

Штаб Ціханоўскай вёў трансляцыю мітынгу.

Прадстаўнік штаба Бабарыкі Марыя Калеснікава ў сваім выступе заявіла, што ў дадзены момант «важна выявіць нязгоду з дзеяннямі ўрада».

«На нашае законнае права падаваць скаргі ўладзе нам плююць у твар адмовамі і адпіскамі. Яны выклікаюць АМАП, мераюць чаргу гэтай лінейкай сваёй дзіўнай. Няхай гэта нас толькі распаліць. Мы павінны працягваць далей рухацца, любымі законнымі спосабамі выказваць сваё меркаванне, паказваць сваю нязгоду. Цяпер фіксуецца кожная адпіска, кожнае нядобрасумленнае выкананне сваіх абавязкаў чыноўнікамі. Кожная спроба фальсіфікацыі на выбарах будзе зафіксавана і апублікавана», — заявіла Калеснікава.

Ціханоўская у сваім выступе заклікала беларусаў прыйсці на выбары 9 жніўня. «Мы аб'ядналі свае намаганні, каб перамагчы. Але гэтага мала на самой справе. Нам трэба аб'яднаць высілкі ўсіх беларусаў, усіх людзей нашай краіны», — сказала кандыдат.

Пры гэтым яна падкрэсліла, што аб'яднаныя штабы выступаюць за вызваленне ўсіх палітвязняў. «Свабоду Ціханоўскаму і ўсім астатнім палітвязням!», — заявіла Святлана Ціханоўская, якая з'яўляецца жонкай арыштаванага блогера Сяргея Ціханоўскага.

Прэзідэнцкія выбары пройдуць у Беларусі 9 жніўня. ЦВК зарэгістраваў кандыдатамі ў прэзідэнты 5 прэтэндэнтаў, адмовіўшы ў рэгістрацыі экс-кіраўніку Белгазпрамбанка Віктару Бабарыку і былому кіраўніку Парку высокіх тэхналогій Валерыю Цапкала.

interfax.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: