Тэрмінова! Андрэя Стрыжака затрымалі на мяжы

Сёння ўвечары, у 20.30, Андрэя Стрыжака знялі з цягніка Вільня-Мінск.

Фота з фэйсбуку Яўгенія Стрыжак

Як паведаміла яго жонка Яўгенія Стрыжак і шматлікія сябры, спачатку, пабачыўшы пашпарт Андрэя, памежнікі доўга думалі і раіліся, а пасля паведамілі, што ў Маладзечна Андрэй мусіць выйсці. На пероне ў Маладзечне яго ўжо чакалі.

Фота з фэйсбуку Яўгенія Стрыжак

"Як і калі ён трапіць у ізалятар у Гомелі, я пакуль не ведаю. Затое цяпер я ведаю, што вышук аб'яўляюць не толькі па крымінальных справах, але і па адміністратыўных. Што касуе сам сэнс адміністратыўнай вытворчасці і ператварае яе ў крымінальны пераслед", — напісала ў фэйсбуку Яўгенія Стрыжак.

Андрэй патэлефанаваў жонцы са стацыянарнага тэлефону і паведаміў, што як быццам затрыманы для праверкі багажа. Ён у Маладзечанскай службе мытнага дагляду.

Нагадаем, Андрэй і Яўгенія Стрыжак — валанцёры, якія дапамагаюць украінцам перажыць наступствы вайны, а апошнім часам яны вельмі актыўна дапамагаюць родным затрыманах падчас сакавіцкіх акцый пратэстаў і па "справе патрыётаў".


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: