Украіна паскорыць працэс адлучэння ад энергасістэм Беларусі і Расеі

Ад энергасістэм Беларусі і Расеі Украіна мае намер адлучыцца ў 2022 годзе, а ў 2023-м – далучыцца да еўрапейскай энергасістэмы ENTSO-E.
Пра гэта заявіў выканаўца абавязкаў міністра энергетыкі Украіны Юрый Вітрэнка на сустрэчы з літоўскім калегам Дайнюсам Крэйвісам у Кіеве. На думку Вітрэнкі, дзякуючы гэтаму істотна падвысіцца «стабільнасць і дынамічная ўстойлівасць ўкраінскай і еўрапейскай энергасістэм», будзе забяспечана дэманапалізацыя энергетычнага рынку ва Украіне, уведзеныя «празрыстыя еўрапейскія правілы і працэдуры».

Як заявіў Вітрэнка, для паскарэння сінхранізацыі з еўрапейскай сістэмай неабходная мадэрнізацыя генерыруючага абсталявання і сетак. Стратэгічная пазіцыя ведамства, адзначыў чыноўнік, – не падтрымліваць імпарт электраэнергіі з Расеі і Беларусі, таму Мінэнерга «напрацоўвае механізмы праходжання асенне-зімовага перыяду без такога імпарту».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: