Украіна выслала беларускага дыпламата

Украіна выслала беларускага дыпламата ў адказ на абвяшчэнне дарадцы амбасады ў Беларусі Скварцова персонай нон грата
МЗС Украіны. Фота РБК-Украіна

МЗС Украіны. Фота РБК-Украіна

У сувязі з тым, што Беларусь абвясціла дарадцу амбасады Украіны ў Беларусі Ігара Скварцова персонай нон грата, Украіна выслала беларускага дыпламата з краіны, паведаміла "Інтэрфакс-Украіна" спікер украінскага Міністэрства замежных спраў Мар'яна Беца.

Пры гэтым спікер украінскага знешнепалітычнага ведамства не ўдакладніла прозвішча высланага дыпламата, а таксама яго пасаду.

20 лістапада Камітэт дзяржаўнай бяспекі Беларусі паведаміў, што дарадца амбасады Украіны ў Беларусі Ігар Скварцоў быў абвешчаны персонай нон грата. Ён нібыта ажыццяўляў каардынацыю "разведвальнай дзейнасці" журналіста "Українського радіо" Паўла Шаройкі, які, згодна з абвінавачваннямі беларускага КДБ, нібыта з'яўляецца "кадравым супрацоўнікам ГУР Мінабароны Украіны". У гэты дзень афіцыйны прадстаўнік КДБ Беларусі Дзмітрый Пабяржын заявіў на брыфінгу, што Шаройка быў затрыманы за шпіянаж і нібыта прызнаўся ў вядзенні дзейнасці выведкі.

Пра затрыманне Шаройка паведаміў 17 лістапада кіраўнік Нацыянальнай грамадскай тэлерадыёкампаніі Украіны Зураб Аласанія. Кіраўнік Нацыянальнага саюза журналістаў Украіны Сяргей Томіленка ўдакладніў, што Шаройку затрымалі 25 кастрычніка ў Мінску.

Каментаваць