Віталь Рымашэўскі: адбылася Сочынская капітуляцыя Лукашэнкі

"Пуцін дэманстартыўна паказвае месца Лукашэнку», — лічыць Віталь Рымашэўскі.



Фота: ТАСС, Арцём Каратаеў



Сустаршыня Беларускай хрысціянскай дэмакратыі Віталь Рымашэўскі пракаментаваў прызначэнне Міхаіла Бабіча амбасадарам Расіі і спецыяльным прадстаўніком Уладзіміра Пуціна ў Беларусі.

Гэтыя прызначэнні сустаршыня БХД ахарактарызаваў як сочынскую капітуляцыю Аляксандра Лукашэнкі.

Віталь Рымашэўскі кажа:

“Бабіч ніколі не быў дыпламатам. Бабіч — прадстаўнік Пуціна ў рэгіёнах РФ. Якія яшчэ вынікі сочынскага "адпачынку ад прэзідэнцкіх праблем" нас чакаюць? Мяркуючы па прызначэнні амбасадара, якога так доўга не хацелі ўзгадняць у Мінску, вынікі сочынскіх перамоваў для беларускіх уладаў сумныя. Варта чакаць бескампраміснага ціску з боку Расеі і ў іншых кірунках. Бабіч не проста пасол, гэта — спецпрадстаўнік Пуціна ў Беларусі.

Не выпадкова і знакава тое, што ў Беларусь прызначылі не дыпламата, а былога прадстаўніка Пуціна ў расійскіх рэгіёнах.

Так Пуцін паказвае месца, адведзенае ім для Беларусі — у якасці васальнага рэгіёну. Так Пуцін дэманстартыўна паказвае месца Лукашэнку”.

Паводле bchd.info

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Пятрусь
  • 2018-08-25 09:06:00
Виталий вылез из подполья? Дойчен зольдатен,унтер ефрейтор.
  • Апошняе на сайце
,

Больш цікавага на «Новым Часе»: