Выпускнікі, выкладчыкі і студэнты Акадэміі музыкі запатрабавалі вызваліць Марыю Калеснікаву

Тысяча выпускнікоў, выкладчыкаў і студэнтаў Беларускай акадэміі музыкі далучыліся да кампаніі # FreeKalesnikava, абвешчанай Беларускім Свабодным тэатрам, і падпісалі адкрыты ліст у абарону Марыі Калеснікавай.


Аўтары ліста запатрабавалі разгляду ўсіх фактаў, выкладзеных у заяве Марыі Калеснікавай на імя старшыні СК Івана Наскевіча, і прыцягнуць да адказнасці ўсіх вінаватых. Таксама яны запатрабавалі неадкладна спыніць пераслед Марыі Калеснікавай і закрыць крымінальную справу супраць яе.

Як адзначаецца ў лісце, у заяве ў адрас Івана Наскевіча гаворка ішла аб затрыманні Калеснікавай, пагрозах у яе адрас, падзеях на беларуска-ўкраінскай мяжы, калі яна парвала свой пашпарт і гэтак далей.

«У заяве Марыя Калеснікава паказвае канкрэтныя імёны і пасады людзей, якія аказвалі на яе псіхалагічны ціск. Яна патрабуе распачаць крымінальную справу ў дачыненні да супрацоўнікаў КДБ РБ і ГУБАЗіК РБ па прыкметах злачынстваў, прадугледжаных артыкуламі 182, 183 і 186 Крымінальнага кодэкса Рэспублікі Беларусь. Марыя адзначае, што яна можа апазнаць усіх, хто пералічаны ў заяве, і гатовая даць падрабязныя паказанні. (…). Таксама, па словах адваката Марыі Калеснікавай Людмілы Казак, пасля затрымання на целе Марыі з'явіліся ўдары, у яе «баляць рукі, бо яе сілай запіхвалі ў машыну і ўтрымлівалі», а ў ізалятары ёй вымушаныя былі аказваць медыцынскую дапамогу з-за праблем з ціскам і сэрцам.

Усё вышэйпералічанае не можа не выклікаць у нас натуральнага абурэння, і мы, калегі Марыі Калеснікавай, не можам прайсці міма абуральнага беззаконня, таго, што адбываецца на нашых вачах» — адзначаюць аўтары ліста.

Ліст падпісалі каля 1 тысячы чалавек. Сярод іх скрыпач Арцём Шышкоў, піяніст Даша Мароз, віяланчэліст Міхаіл Радунскі, спевакі Таццяна Гаўрылава і Ілля Сільчукоў, дырыжоры Андрэй Галанаў, Іван Касцяхін і Алег Лясун, кампазітар Віктар Капыцька і Вольга Падгайская.

Паводле TUT.BY



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: