WSJ: Захад баіцца паглынання Беларусі Расіяй і не дапусціць гэтага

Краіны Захаду асцерагаюцца перспектывы аб'яднання Беларусі і Расіі ў рамках дамовы аб "саюзнай дзяржаве" і дапамогуць Беларусі гэтага пазбегнуць, піша The Wall Street Journal.
У прыватнасці, міністр замежных спраў Польшчы Яцэк Чапутовіч заявіў пра спробу Масквы аказаць ціск на Мінск. "Сітуацыя сур'ёзная ў тым плане, што Расія, магчыма, паспрабуе прымусіць іх (Беларусь — заўв. БП) аб'яднацца. На іх аказваюць ціск, і настаў час для ЕС, для Польшчы і для іншых краін падтрымаць іх суверэнітэт", — падкрэсліў кіраўнік польскай дыпламатыі.

Выданне адзначае, што ўмацаванне "саюзнай дзяржавы", прывядзе да змены балансу сіл у Еўропе.

У той жа час, па словах экс-памочніка міністра абароны ЗША і былога намесніка генеральнага сакратара НАТА Аляксандра Вершбоў, заходнія палітыкі не ўпэўнены ў тым, што Беларусь абярэ такі ж курс на збліжэнне з ЕС, як Украіна ці Грузія.

"Аднак, калі яны хоць неяк абцяжараць разлікі Расіі і калі яны сапраўды акажуць матэрыяльную і палітычную падтрымку ўкраінскага суверэнітэту, то гэта будзе зусім не дробным пытаннем", — падкрэсліў Вершбоў.

Ён заклікаў праяўляць асцярожнасць пры кантактах з Мінскам, паколькі занадта цесная сувязь з беларускай дзяржавай прывядзе да адваротных вынікаў і жорсткай рэакцыі Расіі.

Нагадаем, дамову аб стварэнні "саюзнай дзяржавы" Расіі і Беларусі кіраўнік Беларусі Аляксандр Лукашэнка і тагачасны прэзідэнт РФ Барыс Ельцын падпісалі ў снежні 1999 года, у 2000-м яна ўступіла ў сілу.

Акрамя стварэння адзінай палітычнай, валютнай і ваеннай прасторы, дакумент прадугледжвае поўную ўніфікацыю заканадаўства абедзвюх дзяржаў.

Падпісваючы дамову, Лукашэнка, як лічаць многія аналітыкі, разлічваў, што пры Ельцыне, з улікам сваёй папулярнасці ў Расіі, зможа стаць прэзідэнтам "саюзнай дзяржавы".

Аднак пасля таго, як Ельцын у 2000 годзе пакінуў пасаду прэзідэнта РФ датэрмінова, а на яго месца прыйшоў цяперашні кіраўнік Крамля Уладзімір Пуцін, мары Лукашэнкі аб "саюзнай кароне" былі разбітыя і "саюзны дагавор" фактычна быў пахаваны, пакуль расійскія ўлады не захацелі яго рэанімаваць ў канцы мінулага года.

belaruspartisan.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!