Вольга Кавалькова, архіўнае фота
«Калі я знаходзілася за кратамі, да мяне прыйшлі прадстаўнікі ўлады і сказалі, што калі я не выеду, калі застануся ў краіне, то я вельмі доўга не выйду з турмы. Яны прыехалі да мяне ў ізалятар, пасадзілі ў сваю машыну, надзелі капюшон, далі маску, паклалі на задняе сядзенне і вывезлі з ізалятара».
Паводле Кавальковай, яе давезлі да памежнага пераходу ў Брузгах каля Гродна, там яна праходзіла пашпартны кантроль.
«Яны (прадстаўнікі ўлады. — РС) перавезьлі мае рэчы праз мяжу і на нейтральнай тэрыторыі прапанавалі мне выклікаць таксоўку. Але ехаў аўтобус на Варшаву, і польскія памежнікі папрасілі польскага кіроўцу, каб ён мяне падвёз».
Далей, па словах Кавальковай, ёй удалося скантактавацца з амбасадарам Польшчы ў Мінску Артурам Міхальскім, які і паспрыяў яе даезду да Варшавы.
На прэс-канферэнцыі ў Варшаве разам з Кавальковай выступаў старшыня канцэлярыі прэм’ер-міністра Польшчы Міхал Дворчык.
Паводле Радыё Свабода
