ЗША плануюць пабудаваць у Мінску новы будынак амбасады

ЗША плануюць пабудаваць у Мінску новы будынак амбасады, паведамляе Еўрарадыё
Фота: Белта

Фота: Белта

Цяперашні будынак, лічаць амерыканцы, не адпавядае патрабаванням бяспекі. А яны сталі больш жорсткімі пасля тэракту ў лівійскім горадзе Бенгазі (у жніўні там загінулі тры супрацоўнікі місіі ААН). Пра гэта ў інтэрв'ю РБК распавёў міністр замежных спраў Беларусі Уладзімір Макей.

Як вядома, нядаўна Мінск і Вашынгтон прынялі рашэнне аб узаемным вяртанні амбасадараў. Улады Беларусі пазітыўна ацэньваюць нармалізацыю дачыненняў з ЗША.

"Гэта ненармальны стан, калі існуюць непаўнавартасныя адносіны паміж дзвюма дзяржавамі ў нашым сучасным узаемазлучаным свеце, — кажа Макей у згаданым інтэрв'ю. — ...Мы хацелі б сысці ад той канфрантацыйнай рыторыкі, якая была ўласцівая нашым адносінам, скажам, гадоў дзесяць таму, калі па нашым настаянні амбасадары былі вымушаныя з'ехаць з абедзвюх краін".

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: