Палітыка Беларусі: навіны, аналітыка, выбары, палітычныя партыі і дзеячы (старонка 357)

	Зараз	Уночы	Заўтра ўдзень	Заўтра ўвечары
Мінск	-12℃	-6℃	+0℃	+0℃
Брэст	+0℃	+0℃	+1℃	+0℃
Віцебск	-12℃	-10℃	-4℃	+1℃
Гомель	-13℃	-9℃	-2℃	-3℃
Гродна	-6℃	+1℃	+1℃	+0℃
Магілёў	-14℃	-10℃	-2℃	+0℃

Азбука паліталогіі: Пару слоў пра галоўнае

Пачынаць новае жыццё прасцей за ўсё з 1 студзеня: прачнуўся, зрабіў зарадку, прыняў кантрасны душ і... перагарнуў старонку мінулага. І як пасля гэтага не абвясціць 2021-ы Годам народнага адзінства?

2021-01-20
Сяргей Нікалюк

«Кангрэсмены»

Аматарам розных палітычных сходаў бліжэйшым часам будзе дзе разгуляцца. Прадстаўнікі апазіцыі запланавалі правесці ажно тры кангрэсы: два еўрапейскіх сілаў і адзін аб’яднаных дэмакратычных.

Адной з важнейшых частак праграмы кожнага кангрэса будзе вылучэнне «адзінага» кандыдата для ўдзелу ў прэзідэнцкай кампаніі. Такім чынам, «адзіных» можа аказацца як мінімум тры. Ці здолеюць урэшце палітыкі паміж сабою дамовіцца, пакажа час, але цяпер ніхто да саступак не гатовы. І нават калі будуць сфармуляваныя на гэтых кангрэсах прынцыпы супрацы, то можа выявіцца, што датычацца яны толькі пэўнага кола палітыкаў, у той час як астатнія будуць гуляць па сваіх правілах. Вымалёўваецца палітычная какафонія.

29-05-2009
Марыя Крук

Палітычны спрынт

Кіраўнік руху «За свабоду» Аляксандр Мілінкевіч ініцыюе Кангрэс праеўрапейскіх сілаў. Прапановы да ўдзелу будуць разасланыя тысячам асоб, большасць з якіх так ці інакш удзельнічалі ў прэзідэнцкай кампаніі 2006 года. Але каардынатар Еўрапейскай кааліцыі Мікола Статкевіч сцвярджае, што ідэя кангрэса першапачаткова належала яму. У супрацьвагу Мілінкевічу Еўрапейская кааліцыя правядзе свой Кангрэс 21 чэрвеня. (На здымку: Аляксандр Мілінкевіч і Віктар Карніенка. Фота Юрыя Дзядзінкіна)

23-05-2009
Вольга Хвоін

Камуністы хочуць рэбрэндынгу

Партыя камуністаў беларуская 23 мая правядзе пазачарговы з’езд, на якім будуць вырашаныя пытанні пра давер да кіраўніцтва партыі, а таксама пра магчымую змену яе назвы. (На здымку: Валерый Ухналёў і Сяргей Калякін. Фота Юрыя Дзядзінкіна)

23-05-2009
Марыя Крук

Ахвяры мірнага часу

9 мая на постсавецкай прасторы памінаюць людзей, якія загінулі ці зніклі падчас Вялікай Айчыннай вайны. За два дні да гэтай агульнавядомай даты — 7 мая стала негалосным днём памяці тых, хто знік без вестак у сучаснай і мірнай Беларусі. У гэты дзень дзесяць гадоў таму знік Юрый Захаранка — першы ў ланцужку прапаўшых без вестак апанентаў улады. Пасля зніклі палітык Віктар Ганчар, бізнесмен Анатоль Красоўскі, тэлеаператар Дзмітрый Завадскі. Яшчэ да знікнення Юрыя Захаранкі нечакана памёр палітык Генадзь Карпенка.

16-05-2009
Вольга Хвоін

“Усходняе партнёрства” і апазіцыя

Пасля вяртання беларускай дэлегацыі з саміту «Усходняга партнёрства» вакол асобы Аляксандра Мілінкевіча разгарэўся скандал, які ледзь не захінуў сабой саму падзею ў Празе. Кіраўнік руху «За свабоду» адмовіўся падпісаць сумесную заяву з Зянонам Пазьняком, Аляксандрам Казуліным, Івонкай Сурвілай і Станіславам Шушкевічам. Аляксандр Мілінкевіч за сваю лаяльную пазіцыю адносна ваўкавыскіх вязняў-прадпрымальнікаў яшчэ да гэтага зрабіўся аб’ектам нападак, цяпер жа ўвогуле пачаліся размовы пра раскол апазіцыі.

16-05-2009
Вольга Хвоін

Сімфаністы

Амаль праз 15 гадоў пасля свайго абрання прэзідэнт Беларусі «ўзяў» і Апостальскі палац у Ватыкане. Звычайна на сустрэчу ў Папскую бібліятэку запрашаюць такіх гасцей толькі адзін раз. Падаецца, у цяперашняга Папы Рымскага Аляксандр Лукашэнка стаў першым беларускім госцем. Вядома, калі не лічыць пасла, які ўручаў даверчыя граматы.

10-05-2009
Раман Якаўлеўскі

Вайсковых хаўрусаў зашмат не бывае

Беларусь з афіцыйным візітам наведаў міністр абароны РФ Анатоль Сердзюкоў. У Мінску ён меў сустрэчу з Аляксандрам Лукашэнкам, а таксама ўдзельнічаў у сумеснай калегіі міністэрстваў абароны Беларусі і Расіі.

24-04-2009
Вольга Хвоін

Шанец для пераменаў ці для кансервацыі

Цягам апошніх месяцаў грамадзянскую супольнасць Беларусі трасе з-за новых перспектыў развіцця краіны. Палітычная ізаляцыя раптоўна змянілася досыць рэальнымі магчымасцямі далучыцца да праграмы «Усходняе партнёрства», што з’яўляецца крокам на шляху да інтэграцыі з ЕС. Шэраг візітаў у Беларусь высокіх чыноўнікаў Еўрасаюза завяршыўся запрашэннем невыязнога раней Аляксандра Лукашэнкі на майскі саміт «Усходняга партнёрства» ў Празе.

24-04-2009
Вольга Хвоін

Рэгіянальнае рэха Чарнобыльскага шляху

На ўгодкі Чарнобыльскай трагедыі лідэры палітычных партый з’едуць са сталіцы ў рэгіёны. Акцыі 26 сакавіка пройдуць у Магілёўскай, Гродзенскай і Гомельскай абласцях.

17-04-2009
Вольга Хвоін

АДКБ і Беларусь

16–17 красавіка ў Ерэване адбудзецца пасяджэнне Савета міністраў замежных спраў Арганізацыі дамовы аб калектыўнай бяспецы (АДКБ). Як паведамляе афіцыйнае інфармагенцтва БЕЛТА, у парадку дня абмеркаванне пытанняў знешнепалітычнага супрацоўніцтва дзяржаў-сяброў АДКБ па праблемах міжнароднай бяспекі, у тым ліку стану і перспектываў дзейнасці Арганізацыі на афганскім напрамку. Таксама будуць разглядацца асноўныя напрамкі ўзаемадзеяння з міжнароднымі і рэгіянальнымі арганізацыямі, у прыватнасці, з ААН і АБСЕ.

17-04-2009
-

Ні праехаць ні прайсці

У рэдакцыю «НЧ» з просьбай агучыць гісторыю адстойвання сваіх правоў у асобна ўзятым мястэчку звярнуўся жыхар вёскі Дукора Пухавіцкага раёна Сяргей Шостак. Ніжэй прыводзім ліст чытача з невялікімі скарачэннямі. Копіі дакументаў, якія фігуруюць у апісанай справе, знаходзяцца ў рэдакцыі.

(На фота: 2008г. Акцыя пратэсту супраць будаўніцтва хімічнага прадпрыемства)

17-04-2009
-

Чаму сышоў Навумаў

Самай гучнай падзеяй апошніх дзён стала адстаўка міністра ўнутраных спраў Беларусі Уладзіміра Навумава. З афіцыйнай фармулёўкай — «па стане здароўя». Пакінуў адну з самых высокіх і адказных пасад у дзяржаве апошні старажыл — Уладзімір Навумаў ачольваў МУС амаль дзевяць год.

11-04-2009
Генадзь Кеснер

Размежаваць інтарэсы

Аляксандр Лукашэнка пасля размовы са старшынёй Камітэта дзяржкантролю Зянонам Ломацем даручыў Савету міністраў распрацаваць праекты пунктаў пропуску на расійска-беларускай мяжы. Гэтыя захады прымаюцца для таго, каб усходняя мяжа адпавядала міжнародным стандартам. «Калі на знешняй мяжы Саюзнай дзяржавы пункты пропуску адпавядаюць міжнародным стандартам, то на мяжы з Расіяй сітуацыя патрабуе прыняцця неадкладных мер», — паведамляе прэс-служба Лукашэнкі.

11-04-2009
Вольга Хвоін

Мілінкевіч: пра аморфныя АДС і палітвязняў

Кіраўнік Грамадскага аб’яднання «Рух «За свабоду» Аляксандр Мілінкевіч правёў прэс-канферэнцыю, на якой агучыў журналістам свае погляды на падзеі ў грамадска-палітычным жыцці краіны. Палітык канстатаваў слабасць і раз’яднанасць апазіцыі, а таксама падкрэсліў, што не падтрымлівае ідэю зручнасці эканамічнага крызісу як каталізатара пераменаў у грамадстве.

28-03-2009
Вольга Хвоін

Пад крыламі надзеі

Святкаванне Дня Волі прайшло ў цэнтры Мінска. Разгону дэманстрантаў і сутыкнення з супрацоўнікамі міліцыі не было. Хаця ўлады падрыхтаваліся так, быццам чакалі на вуліцах сталіцы не мірных суграмадзян, а ўзброеныя атрады баевікоў.

Каля 18-й гадзіны, калі быў прызначаны сход каля Акадэміі навук, жанчына ў метро тлумачыць сваёй спадарожніцы, што едзе на святкаванне Дня Волі: «Штогод 25 сакавіка адзначаецца акцыямі. І я прыходжу... Не, не баюся. Спадзяюся, што сёння ўсё будзе добра. Свята ж».

28-03-2009
Вольга Хвоін

25 сакавіка не заўсёды было пад ціскам уладаў

Сярод удзельнікаў акцыі на Дзень Волі былі вядомыя грамадскія і палітычныя дзеячы, якія непасрэдна спрычыніліся да таго, каб 25 сакавіка стаў сапраўдным святам для свядомых грамадзян Беларусі. Розныя людзі па-рознаму ацэньваюць узровень адзначэння чарговых угодкаў абвяшчэння незалежнасці БНР у апошнія часы.

Па словах гісторыка, экс-дэпутата Вярхоўнага Савета 12-га склікання (фракцыя БНФ) Валянціна Голубева, любое публічнае свята, калі людзей запрашаюць на вуліцу, павінна прайсці этап прапаганды.

28-03-2009
Генадзь Кеснер

Круты разварот

У пакуль яшчэ кароткі курс беларускай лібералізацыі на днях была ўпісаная новая старонка, прычым старонка тэарэтычная. Ролю тэарэтыка ўзяў на сябе акадэмік Рубінаў. У артыкуле «Беларуская мадэль развіцця і сусветны крызіс», апублікаваным 11 сакавіка ў «СБ», ён змог сумясціць, здавалася б, несумяшчальнае: рэвізію асноў беларускай мадэлі з неабходнасцю працягнуць рух у адпаведнасці з «першапачаткова вызначаным курсам».

Мадэль

21-03-2009
Сяргей Нікалюк

Праваабаронцы супраць пакарання смерцю

Беларускія праваабарончыя арганізацыі абвясцілі конкурс творчых работ на тэму адмены пакарання смерцю. Пра гэта БелаПАН паведаміў старшыня рэспубліканскага праваабарончага аб’яднання «Беларускі Хельсінкскі камітэт» Алег Гулак.

Паводле яго слоў, конкурс праводзіцца ў межах кампаніі «Праваабаронцы супраць пакарання смерцю», якая стартавала 26 студзеня. Яе мэтай з’яўляецца спыненне прымянення пакарання смерцю ў краіне і далучэнне Беларусі да агульнаеўрапейскіх каштоўнасцей.

15-03-2009
-

Беларусь — адна з самых несвабодных

Беларусь летась была ў дваццатцы самых несвабодных дзяржаваў свету.

Да такой высновы прыйшлі эксперты амерыканскай даследчай арганізацыі «Freedom House». Штогадовая справаздача гэтай арганізацыі пра правы чалавека ў свеце была агучана 10 сакавіка.

Ацэнкі Беларусі паводле «Freedom House» не змяняюцца ўжо шмат гадоў: 7 балаў — найгоршая ацэнка стану палітычных правоў, і крыху лепшая — 6 балаў — стану грамадзянскіх свабод.

15-03-2009
-

Лябедзька і Казулін супраць

Анатоль Лябедзька і Аляксандр Казулін супраць візіту Лукашэнкі ў Прагу. Такую пазіцыю яны выказалі ў час сваіх перамоваў з дэпутатамі Еўрапарламента ў Страсбургу, паведамляе прэс-служба Аб’яднанай грамадзянскай партыі.