У справе «Белага легіёну» — першы вызвалены з СІЗА КДБ

З СІЗА КДБ вызвалілі Сяргея Барстока, якога затрымалі ў ноч на 22 сакавіка і трымалі ў ізалятары КДБ. Паводле жонкі Сяргея Барстока Аляксандры, з мужа ўзялі падпіску пра нявыезд і невыдаванне, таму ён не дае каментароў журналістам.
следчы ізалятар КДБ - "амерыканка"

следчы ізалятар КДБ - "амерыканка"

«Выглядае нармальна. Не збіты. Але маўчыць пра тое, што там было. Вызвалілі яго ўчора ўвечары, прывезлі дадому», — сказала жонка экс-затрыманага Аляксандра.

Паводле старшыні рады «Бацькаўшчыны» Ніны Шыдлоўскай, на гэты час выстаўленыя абвінавачанні тром з затрыманых у справе «Белага легіёну». «Іх прозвішчы яшчэ высвятляем», — сказала Ніна Шыдлоўская.

У КДБ звесткі пра выстаўленне абвінавачанняў праверыць не ўдалося. Тэлефон прэсавай службы працуе ў рэжыме аўтаадказніка.

svaboda.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!