БагатаДата 31 кастрычніка — 6 лістапада

Сёння, 31 кастрычніка, — гадавіна Курлоўскага расстрэлу. А 2 лістапада мы адзначым Дзяды. Але на гэтым тыдні ёсць яшчэ нагоды ўспомніць мінулае, дый пасумаваць і парадавацца.
Людзі перад домам губернатара на Саборнай плошчы ў Мінску, кастрычнік 1905 года.

Людзі перад домам губернатара на Саборнай плошчы ў Мінску, кастрычнік 1905 года.




31 кастрычніка

Міжнародныя дні эканоміі і Чорнага мора.

1905. Дата Курлоўскага расстрэлу. У гэты дзень царскія войскі і паліцыя на загад губернатара Паўла Курлова адкрылі агонь па ўдзельніках 20-тысячнага мітынгу за дэмакратычныя свабоды ў цэнтры Мінску. 100 чалавек былі забіты, 300 паранены. Абурэнне мінчукоў было настолькі моцным, што Курлова адклікалі ў Пецярбург і пачалося афіцыйнае расследаванне. Аднак нікога не пакаралі. А Курлоў усклаў адказнасць за крывавыя падзеі на вайсковае камандаванне.

1965. У Гомелі нарадзілася лекгаатлетка Ірына Ятчанка. Уварвалася ў эліту кідальніц дыску пасля 30 год. Мае залаты медаль чэмпіянату свету-2003 і бронзу Алімпіяды-2000. Жонка кідальніка молату Ігара Астапковіча, неаднаразовага алімпійскага прызёра.

1 лістапада

Дзень працаўнікоў грамадзянскай авіяцыі ў Беларусі і Міжнародны дзень вегана.

1895. У вёсцы Крыловічы Дзяржынскага раёна на Міншчыне нарадзіўся адзін з заснавальнікаў беларускага тэатру, акцёр Уладзімір Крыловіч. Служыў у БДТ-1 (будучы Купалаўскі тэатр). Сярод роляў: Крыніцкі («Паўлінка»), Кастусь Каліноўскі (у аднайменным спектаклі).

2 лістапада

Дзяды (Дзень памінання памерлых).

Шэсце на Дзяды ў 2015-м. Аўтар Уладзіслаў Рубанаў

Шэсце на Дзяды ў 2015-м. Аўтар Уладзіслаў Рубанаў

3 лістапада

1890. У маёнтку Блонь Пухавіцкага раёна на Міншчыне нарадзіўся антраполаг і археолаг Глеб Бонч-Асмалоўскі. У 1924 года ўпершыню ў СССР Бонч-Асмалоўскі выявіў рэшткі неандэртальскага чалавека ў гроце Кіік-Коба (у Крыме).

4 лістапада

1865. У маёнтку Аляшэвічы на Гродзеншчыне нарадзіўся дзяржаўны дзеяч Расіі і Польшчы, буйны землеўласнік і арганізатар сельскагаспадарчай дзейнасці ў Беларусі Караль Незабытоўскі. Дэпутат Дзяржаўнага Савету Расійскай імперыі ад Мінскай губерні. Міністр сельскай гаспадаркі і дзяржаўных маёмасцяў Польшчы.

5 лістапада

1970. У Мінску нарадзіўся спартовец (грэка-рымская барацьба) Сяргей Ліштван. 10-разовы чэмпіён Беларусі і сярэбраны прызёр Алімпіяды-1996. Быў сцяганосцам зборнай Беларусі на наступнай Алімпіядзе ў 2000 годзе.

6 лістапада

1945. Дата заснавання Мінскага мотавелазаводу. Першае абсталяванне для яго было прывезена з Нямеччыны. Брэнды: матацыкл «Мінск», ровары «Арляня» і «Бусел».


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: