выратуйце жыццё

Марта ўмее быць шчаслівай, нягледзячы на боль і пакуты. Абноўлена: дома!

Сумную гісторыю Марты мы распавядалі. Котачцы не пашанцавала: яна жыла ў алкаголікаў, якія здзекваліся над ёй, не кармілі. А на пачатку сакавіка Марту моцна збілі і выкінулі паміраць у пад'езд. Марта амаль нічога не бачыла праз ацёкі, пакутвала ад моцнага болю, але ўсё роўна цягнулася да людзей...

Трохколерная Мышка прынясе шчасце!

Сціплая котка жыла каля пад'езду. Жыхары лаяльна ставіліся да яе і нават падкормлівалі. Але камусьці яна стала нечым перашкаджаць: котка раптам пачала кульгаць, баяцца людзей. Аднойчы нейкі малады хлопец пнуў яе нагой і збег. Жыхары звярнуліся да валанцёраў і тыя вырашылі забраць котку, пакуль не стала позна.

Вяснушкін-паскакушкін: смешная і кранальная малеча шукае дом

Шчыльна завязаны пакет з нованароджанымі кацянятамі знайшла ў лесапаласе дзяўчына, калі гуляла са сваім сабакам. Пакет пішчаў, малыя адчайна хацелі жыць.

Розачка — ласкавая, выхаваная і незаслужана самотная

Розачка трапіла да валанцёраў каля года таму. Проста падышла да адной з жанчын і ўткнулася галавой у яе калені, а потым разважліва пайшла побач. Сабаку не адштурхнулі, а ў валанцераў стала на адзін хвост болей.

Неверагодна мілая Афіна ўпрыгожыць вашае жыццё

Афіне было каля 10 месяцаў калі яе выкінулі ў полі. Перапужаная малая мёрзла, галадала, але нікуды не сыходзіла, бо з надзеяй чакала, што людзі за ёй вернуцца. Там яе, знясіленую ад голаду, знайшлі валанцёры.

Пэні — радасць і пяшчота

Флокі любіць нават тых, хто хацеў яго забіць. Шукаем для яго адказную сям'ю

Паліна — сабака, у якога залатое не толькі сэрца

Ёсць сабакі, у якіх усё выдатна: і душа, і цела і характар. Але свой чалавек чамусьці ніяк не знаходзіцца. Такая і Полі. Паліна.

Фрося ўжо не блукае, але свайго дома ў яе па-ранейшаму няма. Знойдзем?

Фросю знайшлі ў мінскай Веснянцы. Наяўнасць аброжка і добразычлівасць да людзей сведчылі аб хатнім мінулым гэтага цудоўнага сабакі.

Маленькай Габі патрэбны дом!

Лілі — вушастае шчасце з залатым характарам

Лілі — сястрычка Балі, гісторыю якой мы распавядалі. Дзяўчынкі разам перажывалі нягоды, ратаваліся ад сетак адлоўшчыкаў. Разам трапілі на ператрымку, дзе спяць на канапе, гуляюцца з іншымі сабакамі і ўжо забыліся на ўсе папярэднія беды.

Рэй у пошуках дома

У гэтага выдатнага хлопца некалі быў свой чалавек, кут і міска з ежай. Але гаспадар памёр, а ягоным сваякам сабака быў не патрэбны. Яны і прывезлі яго ўсыпіць. На шчасце, ветэрынар не змог забіць сабаку. Так Рэй трапіў на ператрымку да валанцёраў.

Нэя — ласкавая таўстушка, якой патрэбны любоў, клопат і бяспека

Класічная дваровая котка. Нарадзілася і жыла ў сутарэнні, ела што добрыя людзі пакідалі. Але раптам жыхары дома даведаліся, што заўтра за катамі прыедзе адлоў. Хвастатых трэба было ратаваць. Так Нэя апынулася на ператрымцы у адной з жыхарак.

Балі — сабака-задзірака. Але вельмі ласкавая і разумная

Двух шчанюкоў-падлеткаў выкінулі ў вёсцы пад Мінскам. Малых падкормлівалі мясцовыя жыхары, так і перазімавалі. Прыйшла вясна, і падрослыя сабакі сталі перашкаджаць дачнікам. За імі нават прыязджаў адлоў, але, на шчасце, злавіць сабак не атрымалася.

Буся. Паляўнічым не тэлефанаваць!

Да валанцераў яе прывёз паляўнічы са словамі: «Ці вы яе забіраеце, ці я яе заб'ю». У кароткай размове высветлілася, што сабака не бярэ след і надта ўжо далікатны для палявання. Для яго гэта стала прысудам. Так Буся апынулася ў вялікай сабачай сям'і, якой апекуюцца валанцёры.

Міламу і смешнаму дзіцяці патрэбна добрая мама. Абноўлена: дом знойдзены!

Гэта адбылося тры тыдні таму. У вёсцы на дарозе перад домам валяўся ўшчэнт п'яны мужык. Гаспадыня дома паспрабавала ўцягнуць яго з праезнай часткі, каб не наехала машына. Пачала тармасіць, але ўсё дарэмна — мужык мог толькі мычаць. На дапамогу прыйшоў сусед, сталі разам цягнуць небараку — і вось у гэты момант у таго з кішэні выпала кацяня. Зусім малое, пару тыдняў, не больш.

Даўганогая прыгажуня Тая шукае сваю сям'ю!

Калісьці гэтае сціплае шчанё было хатнім. Чаму былыя гаспадары прывязалі Таю да дзвярэй усыпалкі на Гурскага, мы не даведаемся. Яе ўбачылі зранку першыя супрацоўнікі. Тая ціхенька сядзела з вачыма, поўнымі болю і страху.

Заза — пухнаты цуд з бурштынавымі вачыма (Знайшла дом!)

Цяжка ўявіць, што літаральна пару месяцаў таму гэтая прыгажуня была проста брудным камяком. У цяжкім стане яе ўбачыла валанцёрка ля пад'езда побач з акенцам у сутарэнні. А ўнутры знайшла яшчэ адно кацяня.

Яшка — хлопец з характарам

Рудага невялікага сабачку прывезлі і здалі ва «ўсыпалку» на Гурскага. Паведамілі толькі, што памёр гаспадар і хутка з'ехалі. Валанцёры ўзялі Яшу пад сваю апеку, але ператрымку адразу знайсці не здолелі.