Ад Аўстраліі да Еўропы: кітайскі каранавірус распаўсюджваецца ў іншых краінах

Пра гэта паведамляюць сусветныя СМІ.
Колькасць пацверджаных ў Кітаі выпадкаў заражэння пнеўманіяй, выкліканай новым тыпам каранавіруса, дасягнула 1330. У сталіцы КНР — Пекіне — дыягназ пацверджаны ў 36 чалавек, у крыніцы распаўсюджвання інфекцыі — правінцыі Хубэй — 729 хворых. Пра гэта паведамляе ў суботу інфармацыйны партал "Ванъі", вядучы кругласутачны маніторынг сітуацыі з распаўсюджваннем віруса.

На гэты час памёр 41 чалавек. Выпадкі захворвання дыягнаставаны ва ўсіх рэгіёнах краіны, за выключэннем Тыбецкага аўтаномнага раёна.

У шэрагу гарадоў краіны ў сувязі з распаўсюджваннем віруса абвешчаны вышэйшы ўзровень рэагавання.

Улады Кітая 31 снежня 2019 года інфармавалі Сусветную арганізацыю аховы здароўя (СААЗ) аб успышцы пнеўманіі невядомага тыпу ў Ухані — буйным гандлёва-прамысловым цэнтры з насельніцтвам больш за 11 млн чалавек. Узбуджальнік хваробы (каронавірус 2019-nCoV) быў усталяваны 7 студзеня. Ён таксама выяўлены ў Аўстраліі, В'етнаме, Малайзіі, Рэспубліцы Карэя, Сінгапуры, ЗША, Тайландзе, Францыі і Японіі. СААЗ прызнала вірус нацыянальнай надзвычайнай сітуацыяй для Кітая, але пакуль ўстрымалася ад аб'явы рэжыму міжнароднай надзвычайнай сітуацыі.

Новы каранавірус, які выклікае цяжкую пнеўманію, знойдзены ў мужчыны, які прыляцеў у Аўстралію з кітайскага Гуанчжоу, заявілі ўлады штата Вікторыя. Гаворка ідзе аб грамадзяніне КНР, які прыляцеў у Аўстралію з Гуанчжоу 19 студзеня, паведаміла міністр аховы здароўя штата Джэні Мікакос. Ён знаходзіцца ў стабільным стане, падкрэсліла міністр. «Пацыент ізаляваны і праходзіць лячэнне. У дадзены момант у нас няма падазрэнняў на новыя выпадкі заражэння», — дадала яна.

Акрамя таго, медыкі ў штаце Новы Паўднёвы Уэльс правяраюць пецярых чалавек, якія могуць быць заражаныя новым вірусам. Пакуль ні адзін выпадак захворвання не пацверджаны, паведамляе міністэрства аховы здароўя штата.

Праз некалькі гадзін пасля паведамленняў аб хворых у Аўстраліі стала таксама вядома пра з'яўленне каранавіруса новага тыпу ў Малайзіі. Міністр аховы здароўя краіны Зулкіфлі Ахмад пацвердзіў інфармацыю аб трох хворых. Гэта сваякі 66-гадовага мужчыны, у якога лекары выявілі вірус у Сінгапуры.

Два выпадкі заражэння новым каронавірусом пацверджаны ў французскай сталіцы Парыжы, а таксама ў горадзе Бардо (дэпартамент Жыронда). Як паведамляе радыёстанцыя France Info, пра гэта заявіла ў пятніцу міністр сацыяльных спраў і аховы здароўя краіны Аньес Бюзен.

Паводле замежнай прэсы

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: